توي دريت انك كما كذبت ابريــل=ساعة لمع برقــك وشحيت بخيال
جهيت عنٌا والعوض نجمة سهيل=نعمه من الله جات لارضاي بالحال
هاذي محاصيل القلوب المغاليل=الي يحسبون الـــــغلا ضحك وهبال
ولا الغلا يبقى شعار المواصيل=بين القلوب الي على الـــود تــختال
يزدان لــــلعشاق ليل التعالــــيل=في ليلةٍ تسوى لـــها عدة لـــــيال
مانقــبل الزله ولانقـــبل الميل=ولانستمع في قول شامت وعـــــــذال
نشعل قناديلٍ ونطــفي قــناديل=ونعيش ذكرانا وهــاذيك الامـــــال
هاذي شفوفي فالليال المقابيل= مع واحدٍ غيرك عن الحب مامال
ولا انت يالخاين جفتك المداهيل= ومعادلك في داخل القلب مدهـال
مليت منك وشفت معك البهاذيل=ومليت من دمعٍ على صدتك سال
ومليت من كثر الغناء والمواويل=الي سببه ضقت من ضيقة البال
غلقت قلبي عنك عقب الغرابيل=ومعادلي في دلة الحب فنجال
خلك تروح وجعل دربك تساهيل=دربك خضر يلي تسمعت الانذال
مانيب راجي واحدٍ يتبع القيل=كرامتي ماهيب بجنيه وريال
وانهايت الموضوع ياكذبة ابريل=ياشينها لاطحت من عين رجال

[table1="width:95%;background-color:black;border:10px inset sandybrown;"]

[table1="width:95%;"]

المشاركة الأصلية كتبت بواسطة ظل الياسمين (المشاركة 178220) صح لسانك وعلا شانك قصيده رااااائعه جدا ننتظر جديدك