فيرست كلاس .. بريتش إيرويز .. في مقعد .. على الشباك=وحلوه .. جات ب الصدفه .. في مقعد .. على يميني
قود أفترنون .. قالتها .. ببسمة .. مبسمن فتاك=وعطرن .. فاح بأعماقي .. بعد مالامس .. يديني
وير ار يو فروم؟ .. ما أدري !! .. وربن بالدلع .. حلااك=أحاول .. أجمع أفكاري .. بعد ماشافتك .. عيني
تبادلنا الحديث .. إللي .. تناثر سكرن .. بشفاك=ولو ذوقي صعب .. لاكن .. قدرتي لك .. تشديني
عن (الوذر) تحدثنا .. عن ألأمطار .. و الأفلاك=عن ألأحساس .. و الرقه .. كريزما فيك.. تغريني
تمازحنا .. تضاحكنا .. تلكعنا .. على ذولاك=عيونن .. ودها تعرف .. وش اللي .. بينك .. وبيني
ومر الوقت .. ف الرحله .. يميني .. حاضنه .. يمناك=كأنك تقري .. ب احساسك .. وش اللي في .. شراييني
إلا من صدت عيوني .. عن عيونك .. إلى الشباك=أخاف إنك .. قريتي .. في عيوني ..وش مشقيني
سرحت بكلمتك .. (آآنا) .. أحس إني .. بديت أهواك=و(أنا) آقول لك.. تكفين .. طلبتك .. لاتحبيني
لأنك .. لوتحبيني .. تعثر في دروبي .. خطاك=و(أنا) اللي .. ماعرف دربي .. مدااه إلوين .. يرميني
وبعد ما أعلن الكابتن .. هبوط الطائره .. وش جاك؟=علامك .. قدم هالعالم .. بأيدينك .. تضميني؟
ضحكتي .. قلتي ... شف باكر .. ضروري .. يا (أنا) ألقاك=بمقهاي المفضل .. حاجزه تيبل .. لشخصيني
بأحكي لك ..وتحكي لي .. وش اللي في .. جذبك .. أغراك=ونتعشى .. ونتمشى .. بليل البرد .. دفيني
تحت زخ المطر .. لوحت لي ..باي باي .. في يمناك=على باب المطار .. إش فيك .. وقفتي .. تنظري .. فيني
كأنك ودك .. أنده لك .. تعالي.. إرجعي .. كم بااك=و(انا) أتأمل ..بها الطله .. كريزما روح .. تغريني
بعد لوحت لك .. واقفيت .. أفكر .. في وعدك هناك =أفكر أتصل .. واقول .. ياليتك تعذريني
ولو استايلك .. يغري .. ومودك .. وحمرار إشفااك=ولااكن ..مابها الخافق .. من ال أحباب .. يكفيني