الحياه أحلام !!
السلآم عليكم ورحمة الله وبركاته
وصباح الخير للجميع .. أعتذر لقلة تواصلي معكم .. وانتمى القبول لهذه المتوآضعه !!
الحيآه أحلآم يا اللي تجهل أسلوب الحيآه=لو تطوّل فرحتك لآبد في يومً تضيق!! تاخذ اللي تهتويه وتعطي اللي ما تباه=وتطرح عزوم الشجاع وتهدم الحلم العتيق!! ما يعيش إبها بليدٍ ما حسب زلة خُطاه=تجبره سود الليآل إنه من الغفله يفيق!! لو يبدد فرحته بالدوج في كل إتجاه=ما سلم من بحر همٍ من نزل قاعه غريق!! كان ما روّض صعيبه لآ هب القيض أشتوآه=ولا لقآله لو بغى الطرقه مع الطرقه رفيق!! ما يعيش إبها يا كود مجرب الوقت ورحاه=يحتمل جور الزمان ويثبت أثقل من طويق!! في سكوته حكمه . وهرجه يشّد الإنتبآه=ومن طموحه يصنع إلـ نفسه على القمه طريق!! ياخذ الدنيا متآع ولآ يطارد في هوآه=يدري إن الوقت ماله لآ رفيق ولآ صديق!! أبن لك بالطيب بيت وفعلك الطيّب ذرآه=وأكسب المجد التليد وزحزح اللي ما يليق!! وأعرف إن الوقت درس وقوة الصبر النجاه=لآ تلوم الحظ وانته راعي حجاجٍ طليق!! والله الله فالوجوب ولآ تهآون فالصلآه=والأمور الباقيه ي الله عساها في حريق!! |
الغالي
الشاعر عيدالكريم الروقي اسعدك الله ووفقك بجميع اوقاتك بكل خير سرني واسعدني ان اكون اول المصافحين لهذه القصيده الجزله بما تحمله من نصيحه لكل من لم تمر عليه الشدائد وظروف الزمن حقا كفيت وفيت وليس هذا بغريب من شاعر مثلك له باع طويل وصح لسانك وعلا شانك مليون ولا يكفون وتقبل تحياتي |
والله الله فالوجوب ولآ تهآون فالصلآه
والأمور الباقيه ي الله عساها في حريق!! نعم احسنت متماسكه من الألف للياء بهامن الحكمه مايكفي صح لسانك ولاهنت |
...
عبد الكريم الروقي صح لسانك و لاهنت ابد ابيات في قمة االروعة و الجمال و الحكمة لا تغيب عنها و عنك كل التقدير ريف .. |
سفيرنا الغالي
صح بدنك واشكرك على هذا الكلآم الطيب وليس بغريب عليك شرفتني والله لا يهينك على هالحضور الطيب .. تحيتي |
يــاخـــذ الـدنــيــا مــتـــآع ولآ يــطـــارد فـــــي هـــــوآه.. ..يـــدري إن الـوقــت مـالــه لآ رفـيــق ولآ صـديــق!! أبــــن لــــك بـالـطـيـب بــيــت وفـعـلــك الـطـيّــب ذرآه.. ..وأكسـب المجـد التلـيـد وزحــزح الـلـي مــا يلـيـق!! مساء الشعر والمطر رااااااائعه وأكثر أبدعت وأرويت الذائقه بجمال الكلمه وعمق المعنى صح لسانك ملااااااايين وبإنتظار كل جديد أرق تحيه |
صح بدنك أخي سردآر
شرفتني باهالحضور لآعدمتك !! |
ابن العم ريف !!
صح بدنك ولآهنت الروعه مرورك العذب شُكراً لك ولآعدمّ!! |
الأخت النجلآ .
صح بدنك والروعه مرورك لآخلآ ولآ عدمّ !! شكراً لكِ .. |
الشاعر
عبدالكريم الروقي سماء من الشعر ونجم من القصيد بين سطور النبض أبدعت يـ آلق صح لسانك ونبضك عقد ياسمين يـ جووود |
الساعة الآن 09:05AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية