/

/

لا و الله اللي حط بالقبر رجّال= يم القصيم ووسط روضة منيفه
رجل ظهر فعله على روس الاقذال= وحاش العلوم الغانمه و الكليفه
سجل تواريخ جديدات و اسمال= ترفع حجاج اللي يجي له خليفه
فعايل تفخر بها كل الاجيال= صفحاتها بيض تركها نظيفه
ياما خذ العليا و ياملها نال = للطيب عدّا كل عيطا منيفه
محمد فقيده نفقده ماضي الافعال= راع السخا بعسر السنين المحيفه
اللي ليا شحت هل المال بالمال= ليا هو ينادي للضعافى مضيفه
مشرع بابه للأجواد مدهال= ريف الخوي و الآهلى هو وضيفه
عز الرفيق ليا شكاله ردى الحال= عقب العنا يغنيه ويزين كيفه
وياما عطت يمناه من دق و اجلال= جزل العطا ما هي عطايا خفيفه
ميرالعوض في زيد هو ويّا الاشبال= اللي مدربهم على كل صيفه
وعسى على قبره مطر كل همّال= ليا علّه الوسمي تقفاه صيفه
ويخضر داره من سهلها للأطلال= عساه كل الوقت وارضه مريفه