دلال كيفـي بالقصايـد مباهـيـر
خذيت لي معهن من الليل ساعـات
ناديـت مبداهـن وجنـي مساييـر
شوارد أفكـار ٍ قبـل مستذيـرات
تاخذ بي أفكاري بعيـد المشاويـر
بين النجـوم السايـره والمجـرات
أفضل العزله وأجنّب عـن الغيـر
قمت سروري رحلة الفكـر للـذات
أصور الواقع بالاشعـار تصويـر
وأن ماحسبته صح ماعندي إثبـات
سفينتي هبـت عليهـا الاعاصيـر
ماطاوع الربان مـوج المحيطـات
صحيت وهمـوم الليالـي طوابيـر
وذنوب غيري في طريقي عصابات
مشيت دربًَ فيه جمـر ومساميـر
يوم ابتعدبي صار خمس اتجاهـات
أعيـش بالآمـال وأتابـع السيـر
باتلى العزوم أطعن نحور المسافات
أتعبت حالي في طريـق المغاتيـر
ولقيتهـن بديـار كايـد بعـيـدات
على طلبهن يتعب الذيـب والطيـر
من دونهن عثرات وسباع غابـات
على عواتقهـن وسـوم المناعيـر
اللي لهم في ساعة الضيق وقفـات
وقفاتهـم لاهـل النوايـب تباشيـر
للموقف الكايـد رجـالاً وحـزات
أنا كـذا مانيـب تاجـر ولا أميـر
أسقتني الدنيا مـن المـر كاسـات
لكن كسبت من أطيب الناس تقديـر
هذا الذي يزرع بنفسي طموحـات
ما أجامـل الا للرجـال المشاهيـر
اللـي فضايلهـم علينـا كثيـرات
ماتنكر المعروف ناس ٍ بهـا خيـر
رد الجميل من الأمـور الجميـلات
أحلم ويخطر لي على البال تفكيـر
أفعل كما المجنون في بعض الأوقات
لي بالجنون وثورة الفكـر تبريـر
بين الجنون وبين عقلـي علاقـات
طبيب نفس وغصت في جمة البيـر
خذيت في علم الفراسـه شهـادات
الاطف الجاهـل وأجاريـه تعبيـر
وأسايـره وأقـول مثلـه عبـارات
أقلب على الساحر سحر كل شرير
وأقرا خفايا الروح بالوجه لمحـات
وجه الرضا تبدي عليه الاساريـر
و وجه الجفا يظهر لغيظه علامـات
تشرب ذلولي من سراب المعاذيـر
علـى مـوارد طيبيـن الفراغـات
لو صارت الايـام سـودٍ مناكيـر
تدور ما دامت على حـال هيهـات
أن روحن خيل الهقـاوي مدابيـر
لقريـح يالـوام والسعـد تـارات
لا بـارك الله بالرجـال المعاثيـر
نظراتهم عند المواطـي قصيـرات
الـلاش فاتنـه ركـاب المداويـر
يصيح للحيين من وسـط الأمـوات
اللاش ماعابـه ملامـه وتقصيـر
الكفـر مابعـده ذنـوبٍ وسيئـات
لو هو سكن قصراً برع فيه تعميـر
مستعمرت نمـل ٍ تدمـر بلحظـات
لا تعتبـر هـذي مذمـه وتشهيـر
هـذي مجـرد نرفـزه وانفعـالات

عقاب
مساك الله وصبحك بالخير
مرورك نجاااااح لقصيدتي
وشهادتك محل اهتمام
ما عليك زود يا شاعرنا الكبير
لك مني جزيل الشكر والعرفان