من لاقدح من مخة الرأس شاره = لاتنخطب بنتـه ولاتوخـــــــذ ريـاه
من لاقدح من مخة الرأس شاره = لاتنخطب بنتـه ولاتوخـــــــذ ريـاه ومن لارفت يمناه زلـة يسـاره = تصبح يمينة قدرها مثل يسـراه ومن لانفع ماظر في كـل غـاره = ومن لاهـــــدم مالـه بيـوت مبنـاه ومن لاعرف مقدار نفسه وكاره = سحم السباع إلي تقانب تعشـاه من لا بنا ساس المسلح عمـاره = يصبح شماتـــه لنفوس المـراواه يقول من ذاق الحـلا والمـراره = تجـارب الدنيـا كتبهــــــــــا بيمنـاه أخذت من بعض التجاره عبـاره = يجاهـــــــل الايام بوصيـك بوصـاه إليا نزلت السـوق دور خيـاره = يابعد فرق الزين والشين بعـــداه واحفض لسانك زين وقت الزياره = من طاع نفســـــه باع دينه بدنيـاه وانااعرف ان الحر تكفيه الاشاره = والعلـــم مافـاد القلـــوب الموطـاه والطيب ماهو من بنوك التجـاره = الطيب طيب بساعة الضيق نلقاه وليا بغيت القاف ماخذت إعـاره = يلــي ترد اول كلامــــك عـلا اتـلاه ارفع مقام الشعروبنـي جـداره = ولاهوب متعبني اليا صعـب معناه يلي تقول الوعل اسـد المغـاره = وتلبس السرحان شعـرمن الشـاه عباد وجـه ولا بكبــــــدك مـراره = كيف البشر يعبـد بشر كنه إيـاه من كيد نفسه معمي الله بصـاره = ولايلعن الله غيـــر قوم المضاهـاه الشاعر المرحوم عاضه المرزوقي البقمي رحمه الله القصيده منقوله |
رشيد الهديرس
يعطيك العافيه على النقل الجميل وصح ألسان الشاعر المرحوم عاضه المرزوقي البقمي قصيدة حكمه من الطراز الفاخر تحياتي |
رشيد الهديرس
يعطيك العافيه على النقل الجميل وصح ألسان الشاعر المرحوم عاضه المرزوقي البقمي |
يعطيك العافيه ع النقل ولاهنت
وصح لسان قايلها وتقبل مروري |
هلا وغلا ومشكورين جميع
|
الف شكر اخوي رشيد هالابداع الجميل والمميز
هذا الجميله من اجمل قصائد شاعر المحاوره والنظم المرحوم عاضة الحميدي المرزوقي البقمي |
الساعة الآن 12:19PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية