/

/

غصب علي يا زيد هلّت دموعي = ابكى بعد ما راح كسّاب الامداح
غصب علي اسهر على راس كوعي= من بعد ما رحل الوفا و الثنا راح
اقفى عن الدنيا حسين الطبوعي= وفقده بقلبي جدد الجرح باجراح
اسهر نعم و ابكى نعم الضلوعي= القلب يخفق تحتهن غصب ما ارتاح
وامسي بخمات الدجى هن شموعي =جالس و اساهر هن إلى نور الاصباح
ابكى على امير يقود الجموعي= في ساعة الشده و الارياق كلاح
صعب بحال وحال فيها طيوعي = عزيز نفس وماشي درب الاصلاح
ماهوب في بدّت رفيقه دنوعي = نعم الامير بغبة الجود سباح
دايم بكسب الجود و الله ولوعي= غير المعزه ما يبي كل الأرباح
محمد بن احمد فراقه يروعي = مثلي و لا اخشى اللوم ان زدت بصياح
نعم الامير اللي فراقه يلوعي = فرقاه لي بالذات يا زيد ذحذاح
نعم الامير اللي تجيه و يفوعي= من مجلسه و هو يهلي بالانصاح
وهو فزعتي و ان كات قلت فزوعي= ما شفت منه إلا المعزه و الارباح
جربت انا الخلان في كل نوعي= ولا وجدت الآ سراب مع اشباح
باكثرهم وقت الرخا من ربوعي= و بالضيق غيم فرّقه برد و ارباح
إلا أبو زيد اللي وفا لي بطوعي= هو الابو و الاخو يرفى للاجراح
ولأجل هذا عليه قلبي يزوعي = و لا لوم نون العين بالدمع و ان فاح
شاهدت به و الله ثلاثة فروعي= من الطيب ما أقوله منافق و مدّاح
لاشك اقول اللي نظرته وقوعي= شيء صحيح وتثبته ناس اصحاح
وان كذبت الله يسدد سموعي = بالصم ما ينفع بهن كل جراح
شجاع في ساح الوغى ما يتوعي= تلقاه لوجيه المناعير نطاح
وكريم ما هو بالقليله قنوعي = للابل و الضان الجليلات ذباح
يذبح لضيفه ما يطيع التبوعي= يبذل وياما اغنى فقارى و سياح
نعم الامير اللي حديثه متوعي= لقلبي الي جيته جلىالهم و انزاح
ياما جلسنا مع خيار الربوعي = جلست وفا ماهي سراب بصحصاح
جلسة شرف ما حل فيها الخدوعي= شين الفواد و بالشفاتين مزاح

قولوا لعفرا لا تكف الدموعي = تبكي على الطيب صباح و مرواح
يا لله انا عبدك بحكمك قنوعي= راضي بما امليته و سطر بالالواح
يا من لك اصلى بذل و خشوعي= يا مهلك ارواح و يا منقذ ارواح
بحسناك ياللي لك بليل خضوعي= عسى السحاب إلى همل ماه و انساح
يمطر على قبرالكريم البتوعي =ويسقي رياضه كل ما بارق لاح
واوسع عليه القبر سبعين بوعي= وبالأخره في الخلد يسكن ويرتاح