لو الشموخ أنسـان.. به روح وأنصاف= أقبل بــ/كامل هيبته وأعـتـرف لك
وأن مادروا ؟ عـدأ على رأس مشراف=وأقسم على أسماع الجميع وحلف لك
وأثنى وأعاد اللي عن اسماعهم طاف=وفز ولبس بشت الوقار ووقف لك
من ألف الألف .. لمابعد منزل الكاف=بأسمك تسامى كل حرف وهتف لك
الشِعر.. والشاعر.. بمعناه..والقاف= لو يبلغ اعنان السماء ماوصـف لك
ما اتشوف صدري كل ماحس بأجحاف=على مقاويس الحنايا.. عزف لك

وما اتشوف همي كل ماضام الأكتاف= لد النظر لك .. وأنصرف وأنحرف لك
وما اتشوف عيني كل ماجـفـنـها عاف=لذ الكرى .. بوح الضمير أنصرف لك
وما اتشوف كم نبكي على أطلال الأسلاف=اللي على إيديهم زمانك .. هنف لك
اقرأ الوجيه اللي بها الحـزن ينشـاف= ترضى .. وصفحات الزمن تنكشف لك
وقتٍ عقد لأهل الردأ أحزاب وأحلاف= هو نفسه اللي من جحوده غرف لك
" يمين " رأسٍ .. ضيّع سلوم وأعراف=لا اشتد سـاعدها.. رماك وحذف لك
ياسـيّد التفكير .. ياصـوت الأشـــراف=أصبر لو الصمت الطويل ألتحف لك
الساحة اللي كلها " غث وأسفاف"=لها الحثاله .. وأنـت يبقى الشرف لك
ولابـد من يـومٍ يـنـادى بـالأنصــاف= واللي وراء " سود اللحـى" ينكشف لك .

المشاركة الأصلية كتبت بواسطة متعب (المشاركة 206951) صالح الضويحي صح ألسانك وشكراً على الهديه القيمه في يوم العيد قصيده بمعني الكلمه جزاله وشاعريه وروح ومفرده وش بقاء اشبعتني شعراً لله درك تحياتي