|
شيلة(عليك ضايق)
بسم الله الرحمن الرحيم السلام عليكم ورحمة الله وبركاته يسعدني ويشرفني ان اقدم لكم هذا النص الجديد بعنوان ( عليك ضايق ) وأتمنى أن يحوز على رضاكم للإستماع إلى الشيله بصوتي المتواضع × × YouTube - ‫ط¹ظ„ظٹظƒ ط¶ط§ظٹظ‚‬‎ أقول فيها : عليك ضايق وشوف الضيق بعيوني=والرجل ألا ضاق بان الضيق في عينه ماهي سوالف ولكن من يشوفوني=يدرون أن ذا الرجل ضاعت موازينه كل العرب كان أخطوا مايهموني=بس أنت لا اخطيت عندي غلطتك شينه كم مرتن قلت لك لاتخيب اظنوني=طوفت لك والغبن فالجوف سكينه أقول يمكن يحس وينشد اشلوني=وان غبت عنه يبي ينشد بدر وينه؟ في بالي أنك تموت ان غبت من دوني=وأنك مثل حب خلق الله وشزينه أنا أحسبك من أهم اللي بيرعوني=لااشتدت أمواج ظلم الوقت واسنينه وانك بعد عون رب الكون ذا عوني=وان شان يومي تبي تسعى بتزيينه لكن تماديت وعيوني يعلموني=عن طبعتك بالخطا بأقصى ميادينه ضاع الأمل فيك وأثرك صرت فرعوني=وتزيد همي لا والله كنك تعينه أشقيتني وأحلفت ماتضحك اسنوني=وأصبحت ضد الفرح ربعك معادينه أسهرت عيني وشبت نار بجفوني=والقلب من ضيقته فجر شرايينه علقت حبي وخل العلم مرهوني=لأشعار آخر عسى تسعى بتحسينه أنا أحب الذي فعلا يحبوني=وأفعالهم تثبت أن الحب ناصينه مهو حكي فاضي(ن) أو لعبه بسوني=أو حب ذا الوقت مع شلقة وراعينه غير اهتمامك ترا مايملي اعيوني=والود والعطف حلمي لو تجيبينه! من كثر ماقلت والله باح مكنوني=شريط الأحداث ممكن لو تعيدينه؟ والله فلحنا إذا أحبابي يعذبوني=أنا الذي من حلاله شاري(ن) دينه! وسلامتكم:) رضاكم غايتي لكم ودي وتقديري.. |
عليك ضايق وشوف الضيـق بعيونـي والرجل ألا ضاق بان الضيق في عينـه عليك ضايق وشوف الضيـق بعيونـي والرجل ألا ضاق بان الضيق في عينـه عليك ضايق وشوف الضيـق بعيونـي والرجل ألا ضاق بان الضيق في عينـه والله العظيم إنك جبتها على الجرح روح ياشيخ الله ينصر دينك ولايهينك طال عمرك تحياتي باريسي |
قصيدة طيبة
صح لسانك تقديري |
لافض فؤك
شامخه وعملاقه تسلم ولاهنت |
صح لسانك يابدر واعتلا شانك
شيله طيبه وقصيده أطيب دمت مبدع |
الله الله
صح لسانك يابدر لاهنت تحياتي |
اقتباس:
فديتك يالباريسي رووح الله يسعدك مثل ما اسعدتني بردك:thumb: ومن قال لاهان لا تحرمنا طلتك الجميله يالغالي مشكور ولاهنت على المرور الكريم.. تقبل تحياتي،، |
اقتباس:
الطيب وجودك يالغاليه صح الله بدنك:) ومشكوره ولاهنتي على المرور الكريم.. تقبلي تحياتي،، |
تسلم هالحنجره والله
صح لسانك أبيض وجه يالجزل لاهنت |
الغالي
الشاعر بدر العجالين الله انه يسعدك ويوفقك بجميع اوقاتك شيله مميزه وصوت جميل لقصيدة رائعه وصح لسانك وعلا شانك ولا هنت يا بدر تقبل تحياتي |
| الساعة الآن 06:42PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية