|
ملهمة شعــري
. . . طابت ايامكم .. متواضعه لـ ملهمة شعري مدينتي ..( الطائف ) .. اتمنى ان تنال اعجابكم .. . . لـ الطائف انقش وسط فكري دواوين فيها العشق واضح لأغلى مدينه أعشق هواها .. بردها .. وردها الزين هي ملهمة شعري وهي ياسمينه تدرون هياّ نمتطي صهوة العين وننثر بها ما يبهِر الوصف زينه مدينة .(ن). متجدله بالجديلين ومطرزه بهضاب صلبه متينه سحابها الهتان في وجهها يبين مثل اليتيمه لا بكت لك حزينه ووديانها ما تنبت الزين والشين كل شي حلوو فيها بزينه وشينه هدوء يسكن جوّها .. وناس .. غالين وفيها حمام ينوووووح زايد حنينه شوف الهدا يستقبلك بالرياحين ووروده اللي زينت به جبينه وإلا الشفا لا رحت تلقى به التين اللي ذُكر في كتاب ربي بعينه نبي نهيم شوي .. نرجع ورى سنين نتذكر الماضي وما راح وينه ..؟ ايام فيها الشعر ماله ميادين غير بـ عكاظ اللي اكثروا زايرينه يتبادلون الشعر من حين (ن) لحين وكل (ن) يبين في بيوته انينه واليوم انا في وصف اهلها عليّ دين و لازم اوفي ديني اللي ادينه شوفوا بطلبهم للعلا وصّلوا وين ..! لـ أبعــد مدى بجهودهم واصلينه فيهم كرم .. فيهم شجاعة سلاطين متوارثين الطيب متوارثينه ما يكتمل وصفي من الرأس للقين مهما كتبت من البيوت الثمينه غلا اهلها مع غلاها سكن بين ..! بين الجفون .. بوسط قلب الفطينه تقديري .. .. شمـ ع ـة أمـل .. |
شمـ ع ـة أمـل
وكُل فتاةً بأبيها مولعه\هي مدينتك وتستحق منك اكثر. صح لسانك يا\شمـ ع ـة أمـل وطاب لنا البقاء واطيب التحايا |
الغاليه
الشاعره شمـ ع ـة أمـل اسعدك الله ووفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الشامخه بشموخك والرائعه بروعتك والطائف تستحق هذا الشعر الجميل بتصويره من شاعره متمكنه ومميزه بما تقدمه من شعر وصح لسانك وعلا شانك مليون ولايكفون تقبلي تحياتي |
.. شمـ ع ـة أمـل ..
قصيده لامست شُرفات الأبداع شكراًلهكذا بوح ومدينتك تستحق اكثر\مووودتي |
شمعة
صح لسانك و لاهنتي راقت لي .. مبدعه كما عهدناك تحيتي |
شمعه امل
صح السانك شاعره متمكنه رسمتِ حدود الطائف ولونتِها بجمالها ومجدتهِا بماضيها العريق واشدْتي بحاضرها وتطورها قصة تطول عن مدينة تستحق جسّدْتِها بقالب شعري ابدعتي ياشمعووووووع الامل صح السانك وعذرا للاطاله |
صح لسانك
لاهنتي |
:) عروس المصائف غنّت فأشجتني لحونها !
صح لسانك ياشمعة أمل وأهلاً بك بعد طول الغياب تحيّاتي لك ودمتِ بكل خير . |
تسلم هذه الانامل
على روعة الطرح وجمال الكلمات المعبرة راق لي التواجد هنا |
شمعة امل صح السانكـ سلمت ناملكـ بلوحه شعريه يانقيه تقبلي دي واعجابي بنصكـ الرائع |
| الساعة الآن 03:03AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية