الخطاء قل المواصل يابو الرمش الظليل=كل ساعه دون وصلك تداهمني المنيـه
كان هذا ذنب ياذنـب لاترحـم عليـل=خلني في لاهب الشوق مـاودي بفيـه
مااتحرى وصل غيره ولاابغا له بديـل=جعل من هو لامني بالغلا يبلـى بزيـه
ماخذه من طائر الحب نغمات الهديـل=و ماخذه من عالم الورد عطر و جاذبيه
كل ماهب الهوا مال وان مالـت يميـل=كن هي اللي تساقي عذوقه عذب ميـه
عاذلي يبطي ويبطي ولا يلقـى سبيـل=مايهمن كثر هرجه ولا كثـرة وشيـه
ياعسى الله لايباعد خليلٍ عـن خليـل=حالفٍ والله اذا مـت اوصيبـه وصيـه
مايلوم العاشق الا الهبيل عـن الهبيـل=خلوا العشاق تلهـى بطاروقـه وغيـه
من سالني قلت له هاك خذ مني دليـل=ناظر عيون المعنى من الفرقـا شقيـه
ويل حالي لاذكرته غدا دمعـي يسيـل=يشبه دموع اليتامـى ليانـادوا سميـه
اتصدد حسبي الله وهـو نعـم الوكيـل=فارج الكربات ربـي يفرجهـا عليـه