أشمك ورد
أنا لك والزمن لاتشيل همه=فداك اللي مكانك وسط عينه أشمك ورد وأحلى ورد أشمه=من أنفاسك شذاه وياسمينه لذا معذور قلبي يوم دمه=بديت تزاحمه لطف وسكينه عيوني تخطي النوم وتخمه=بدونك حالتي والله حزينه أحس الكون خلي ما فيه أمه=أحس الدار موحوشة وشينه بعد ماكانت من الناس زحمه=كئيبة هالشوارع والمدينه تصوّر طفل محروم ٍ من أمه=تصوّر كيف عايش في سنينه فلا هو عاش مع خاله وعمه=ولا هو في رعاية والدينه حبيس الهم والحرمان سمه=ودمعاته مابين فينه وفينه ربا بأحضان من لا فيه رحمه=وعاش بدنيته مثل الرهينه هذاك الطفل في حزنه وغمه=وأنا قلبي عليك يشكي ونينه أعرفك زين بك عهد ٍ وذمه=ولك بين الملا صورة حسينه فلا تجعل حياتي تكون نقمه=ولكن .. حس بي شوق ٍ ولينه عليّه طلتك خير ٍ ونعمه=فلولا البحر ماسارت سفينه دقيقة .. وماتقوله في متمه=كلامك يسلب عقول ٍ رزينه خذيت الروح وخفاق ٍ تضمه=وهان العمر لك وأشياء ثمينه |
الغالي الشاعر محمد القباني اهلا وسهلابك لي ايام فاقدك اسعدني وشرفني ان اكون الاول لمصافحت نزفك الشعري الجميل وبالحق قصيده غزليه نقيه بحروف ماسيه بمضمونها ومعناها ومفرداتها وصح لسانك وبيض الله وجهك يالغالي وتقبل تحياتي |
الشاعر : محمد القباني دائما تروي عطشي .. بقصائدك التي لا تشبه سواك .. دمت أخي الكريم كما تحب . |
تصوّر طفل محروم ٍ من أمه تصوّر كيف عايش في سنينه فلا هو عاش مع خاله وعمه ولا هو في رعايـة والدينـه الله عليك يالغالي محمد القباني اشتقنا لمصافحة الجمال وهاانت تتحفنا بهذه الرائعه صح احساسك ولسانك شاعر جزل وقدير لك كل الاحترام والتقدير تحياتي لك |
اقتباس:
وتشرفت بهذه الكلمات من شخص غالي على قلبي تحياتي لك وشاكر مرورك وتواصلك دمت بخير |
الله الله عليك محمد القباني
أبدعت وربي بهالقصيده المفعمه بـ طعم الحب صح لسانك وعلى شانك لاهنت اخوي الله يعافيك ويبقيك دمت بخير يارب |
اخي محمد صح لسانك قصيدة جميلة واسلوبك امتعني في المضامين وفي القوافي تحياتي لك |
الغالي
رائع تحياتي |
تصوّر طفل محروم ٍ من أمه تصوّر كيف عايش في سنينه فلا هو عاش مع خاله وعمه محمد القباني صح لسانك ملاين راائع بكل ما تعنيه الكلمه من معنى تحياتي ولا هو في رعايـة والدينـه |
قمة الاحساس والمشاعر محمد القباني أنت شاعر حساس وعذب صح لسانك واحساسك ودي وتقديري |
الساعة الآن 01:02PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية