سلام من هـاجس مزيني خص به خير الشعوب=شعب العقيـده والوفاء والنور جلاي الظلام
شعبٍ وفا مع حاكمه حاكمه فالماقف ينوب=عبدالعزيز ابن الإمام ابن الإمام ابن الإمـام
وحد جزيرتنا وحددها بعد خوض الحروب=واقام شرع الله وحقق مطلب الشعب السلام
ثم اتبعوه عياله اللي مايتيهون الدروب=حكام من حكام والطاعه لهم والإلتزام
دولة وفا قـامت وفاء تاريخها مافيـه شوب=دستورها القرآن والقدوه لها سيد الأنام
ومن حقد اعداء الشريعه دبروا كثر النشوب=العابثين اللي تبي مربى النعم يصبح هدام
ماهمنا فكرٍ دخيل ولو يجي من كل صـوب=متحصنينٍ فالعقيده والشريعه والنظام
والبحر لو خضوه مد الشوف لا يمكن يروب=هذي يدينٍ عابثه واعقولها فيها انقسام
واللي مشى درب الظلام ابمنهجه مهو مغصوب=له عندنا سيف يرد الحق ويقص العظام
واللي يتوب انصافحه والله غفور لمن يتـوب=منهج وسط لانعتدي ولانعرف الإنتقام
وانفوسنا دون الوطن ترخص ولافيها حسوب=هذي ديار احمد خليل الله والعزه سنام
ومن مات دون ارضه شهيـد امكفر عنه الذنوب=وابن الشهيد امكرمٍ من طيب فعل وعلم عام
يفخر بأبوه اللي لبس تاج المعالي لبس ثوب=من عز نفســه فالمواقف مايحب الإنهزام
ارفع لك عقالي وفـا صادق ولاني بالكذوب=تستاهل التقدير منا والوفاء والإحترام
الله جمع شمل القبايل بإتحادٍ فالقلوب=وحنـا سوا, ضد العدا, دون الوطن نملى الحزام

المشاركة الأصلية كتبت بواسطة منصور الرويلي (المشاركة 162545) صح السانك .. ياسمي احساس راقي وحضور مشّرف

المشاركة الأصلية كتبت بواسطة الخرش شاقول (المشاركة 162558) ابو شاهين صح لسانك وعلى شانك على هذه العصماء ورحم الله شهداء الواجب وامواتنا وامواتكم وموات المسلمين قصيدة في قمة الروعة والجمال ..بارك الله فيك ورعاك بحفظه

المشاركة الأصلية كتبت بواسطة زايد الدغماني (المشاركة 162592) الاخ ابو شاهين وافي يامنصور ونعم والف نعم بحكامنا اتحفتنا وامتعت قلوبنا بهذا النص الشعري الثقيل الرااائع كفو يابو شاهين شاعر جزل ولا هي غريبه عليك هذا النزف وهذا البوح الصادق صح السانك وبنانك وننتظر جديدك بفارغ الصبر

المشاركة الأصلية كتبت بواسطة سفير المعاني (المشاركة 162623) الغالي الشاعر ابو شاهين لله يسعدك ويوفقك بجميع اوقاتك اسعدني مروري على متصفحك واللذي يحمل هذه القصيده الوطنيه ادام الله علينا نعمة الامن والامان تحت مظلة الاسلام وبقيادة حكامنا الاوفياء لوطنهم وشعبهم وصح لسانك وعلا شانك يالغالي وتقبل تحياتي