شــاعـر وشــاعـر
شاعر رفع صوته دفاع(ن) عن الدين = وشاعر يجر الصوت من دون داعي شاعر يمجد بالقصيـد .. المصليـن = وشاعر كتب بام العيون الوساعـي شاعر يردد لـه قصيـد ودواويـن = وشاعر على الشاشات جاه اندفاعـي شاعر وقف ضد الخطاء مايبي الشين = وشاعر يروج .. للفتـن والنزاعـي شاعر بحر شعـره يغـرق ملاييـن = وشاعر مثل مركب بليـا شراعـي شاعر بفعله بـان وسـط المياديـن = وشاعر مدح نفسه وقلبـه رعاعـي شاعر يكفي منه لـو جـاك بيتيـن = وشاعر يصيبك منه مليـون لاعـي |
الغالي
الشاعر متعب السميري الله انه يسعدك ويوفقك بجميع اوقاتك بكل خير واسعدني كثيرا ان اكون اول المصافحين لهذه القصيده الجزله بما تحمله من مضمون ومعنى من شاعر متمكن وله باع طويل بالشعر وصح لسانك وعلا شانك مليون ولايكفون تقبل تحياتي |
الشاعر / متعب السميري قصيده فيها من المعاني الهادفه الكثير ,,,,, صح لسانك
|
متعب صح السانك
ونسأل الله طيب السريرة وحسن الخاتمه |
شاعر فحل ماهو بشاعر بويتين = اليا حضر جزل الشواعير ضاعي وشاعر يصّخر بالقوافي مضامين = كلن على النوماس صوبه يراعي وشاعر يغثك بالفخر والسلاطين = اللي مثل معناه ماله سماعي وشاعر على الجزلات ماله عناوين = فعلاً أحروفه مالها أي داعي والا انت حرفك كالذهب بالموازين = صوت الوفا باقفايته وأندفاعي (فكره جميله) يازعيم الوفيين = عند المواقف لك حضور ومساعي . . |
الساعة الآن 10:46PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية