وش بكرة (ن)من غيرخف وريش وتروم الطوال=فـي البـاديه والحاضـره تزمي بروس طـوالها
تشلــع مثـــل شــلع البـــروق بمــدلهمات الخـيال=ويشـــوش مـــن براقها راس الفتــى وخـــيالها
ابســط مواريها الشنه والهيـل فــي وســـط الدلال=لافوحــت جـــل المواقــــف هــيلها فـي دلالها
ماهيب سلعة حضرمي ويجيبها في السـوق مال=لوغـــرت الرديــان ثــروتها وكثـــر امـــوالها
مـن شــاقته يـبرك علـى الركبـه ويـرواها زلال =ومــن هابـها يبطـي وهـــو يحلــم بحـلو زلالها
احد(ن) لقاها فــي الجنـوب وساقها ليـن الشمال=واحد (ن)زرق رمحه حسب عرفه وطاح شمالها
واحد (ن)خطمها بالرسن ورهالها روس الحبال=واحــد(ن)عقــب مالوحـتبه فــك روس حـبالها
واحـد(ن)تــبناها وقال الفـــال يتـــلاه العقـــــال=حـــــول عــليها يـوم شــــــامتله وفــك عـقالها
ما يـردي عــزوم المهار إلا مطاليــق الرجـال=وأن كشــرت ســـــود اليالي فـي وجيه إرجالها
المرجـله ماهيــب للطرقــي مـــثل فـية ظـــلال=ومـن هـازها ولا بغــاها ينســدح فــي ظــلالها

المشاركة الأصلية كتبت بواسطة سفير المعاني (المشاركة 230434) الغالي الشاعر عبدالعزيز محمد الشلوه الله انه يسعدك ويوفقك بجميع اوقاتك اسعدني ان اكون اول المصافحين لهذه القصيده المعبره بمضمونها ومعناها وصح لسانك وعلا شانك ولا هنت تقبل تحياتي

المشاركة الأصلية كتبت بواسطة حبي الامارات (المشاركة 230438) عبدالعزيز محمد صح لسانك يا الشاعر ابيات رائعه

المشاركة الأصلية كتبت بواسطة فـــرج الدهمشـــى (المشاركة 230532) الله عليك أبداع وجزاله صح لسانك ودام نزفك

المشاركة الأصلية كتبت بواسطة حمود الجــش (المشاركة 230604) عبد العزيز الشلوه صح لسانك مليووون ولا يكفون على هذه الرائعه قصيده ومعنى ولا اروع الله يعطيك العافيه ولا تبخل علينا بمثل هذه الرائعه