((( يازمن لا تكشف المستور )))
عليك الله دخيلك يازمن لا تكشـف المستـور=نخيتك خلها تبقـى بصـدرٍ يكتـم اسـراره ترى صدري مقابر من سبايب وقتي المعثور=قبرت اعلوم في صدري حشى ماعدت اسواره عليك اللوم ياوقـتٍ تعـز الهافـي المثبـور=عيال العجز شاخو فالبلد واستلمـو الطـاره بشر تاريخها مظلم ومصدرهـا شهـادة زور=ولو بحثّت فالتاريخ شفت الكذب لـه شـاره ولا يخفى على العالم ترى كل الخفى مخبـور=يكفّي من تفاصيل الحقايـق موجـز اخبـاره وملت ومالت اقدارك على رجالٍ طوال شبور=وذليت الرجال اللي علـى الشـدات جبـاره رجالٍ شورها يوخذ ليامن ضاع راع الشور=أقرومٍ تعشـق العليـا وللنامـوس مختـاره رجالٍ بالوفا عاشو ولا قربو من المحضـور=تعشق الطيب وترومه ولو هو طال مشـواره وجرت وجارت اسنينك عليهم والردي مسرور=لعبت بلعبتك والحـظ الاقشـر طبـق ادواره كفخ طيرالرخم والحر من جور الزمن مكسور=ثعالب شابعه والذيب خالي من العشـاء داره متى يرجع زمان اول ودورات الزمان تـدور=الين الطير يشبـع مـن مخاليبـه ومنقـاره _ _ _ _ _ _ نايف بن جليغم |
دعني أنحي قلمي قليلا
أقف أحتراما لك ولقلمك وأشد على يديك لهذا الابداع الذي هز أركان المكان |
عاسف اسعد الله روحك نص زفرة حرف .. لقلق روح .. من اختلاف زمن .. وعبث في مكاييل بشر .. هنا حضور مبهر ..وشاعريه باذخه .. تحياتي .. ودمت بخير |
الغالي الشاعر عاسف المهار اسعدك الله ووفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الاجمل من جميله والاروع من رائعه فعلا شاعر مميز ومتمكن تمتعت بقرأة ماكتبته وصح لسانك وعلا شانك مليون ولايكفون تقبل تحياتي |
الشاعر
عاسف المهار أستمتعت جدا" بالنقلة في هذه القصيدة وهكذا سيور الحياة بنا يمضي على مضض كن بخير دوما" |
اقتباس:
الإدمي شكرا لك على هذا الاطراء الجميل مرورك انار زوايا متصفحي واضاف له جمال يشابه جمال حضورك كل الشكر لك على هذا المرور الكريم لك ارق التحايا |
اقتباس:
الشاعر انا اسعد الله اوقاتك بكل خير اسعدني مرورك الراقي وتشريفك لمتصفحي يعني لي الشي الكثير لاهنت على حضورك لك ارق التحايا |
اقتباس:
اخوي سفير المعاني صح الله بدنك ولاهنت على مرورك وتشريفك لمتصفحي اسعدني مرورك والله يعطيك العافيه تقبل تحياتي |
عساف المهار
لم نعد نحتاج ذاك التاريخ الماضي لانه عاش في وقته وانتهى ومن حاربو تاريخ العظماء ومجدهم انتصرو عليه وقتلوه ودفنوه ما نخشى عليه يا صاحبي ان يحارب ويقتل هو الدين الصحيح الاسلام اني اخشى عليه وارى محاربيه ابناء جلدتنا دمت بهذا التالق واكثر وصحة ابجديات حروفك |
اقتباس:
زمان العجايب اسعدني مرورك وحضورك الراقي شكرا لك على هذا التشريف تقبل تحياتي |
الساعة الآن 04:27PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية