ياصاحبي يكفي وانا اقـول مسموح=تعبـت اداوي وانـت تعبت تـجـرح
حاولت اكمل مـعـك نهـايت الشوح=ومشيت ماطاوعت مـن كان ينصح
متحملن ظلمك لي سنـين مذبوح=كـم ليلتة قـلبي بسبايبك ممرح
تخطي بـحقي دوم وانام مـجروح=ونـسيت ان الكيل لــو زاد يـطـفح
تعال واحـسـب كـم قدامك اللوح=واجمـع معاناتي معك قبل تطرح
تضحك وانا صوتي من الـدمـع مبحوح=كنك بـتـعذيـبي وانا اصـيـح تـفرح
حولتني لنسان ما عـنـده طـموح=وزرعت فيـنـي الـشك والخوف يذبح
خلاص تايـب مـنـك يامتـعـب الروح=لا تـعـتـذر منـي ولا ابـيـك تشرح
ماعاد لي بلـحـب حاجـه ومصلوح=عـفـت الهوى لجلك وابـي منك تبرح
طالبك ابـعـد ويــن ما ودك تــروح=اتـرك سبيـل القلب ان كنت تسمح
حاولت اخلي الـبـاب لصلح مفـتوح=بــس انـت ماخليت لـصلـح مطرح

[table1="width:95%;"]

[/table1]

---

المشاركة الأصلية كتبت بواسطة عقاب (المشاركة 169563) [table1="width:95%;"]

ممدوح صح لسانك تقبل مروري

المشاركة الأصلية كتبت بواسطة عازف حرف (المشاركة 169577) متحملن ظلمك لـي سنيـن مذبـوح كم ليلتـة قلبـي بسبايبـك ممـرح ممدوح هلال راقي يا راقي حرف شجي ومتعب صح لسانك