ســلام يالـلـي جـعـل الانــذال تـفــداك =يالشامـخ اللـي مـثـل هضـبـت طمـيـه
مـن اي نـاس تكـون شعـري تنصـاك= طـارن طـرى مـن ضيقـت البـال لـيـه
لوطـبـت مــره بـــس وحـــده بـدنـيـاك= فــي وقفت(ن)حـلـيـت فـيـهـا قـضـيـه
عـنــدي انـــا يـاطـيـب الـفــال كـفــاك= حـتـى ولـــو جـيـتـك ولا طـبــت فـيــه
وسلـم عـلـى الـلـي ماتجـمـل بيـسـراك= لا بـالــســان ولا مــواقـــف حـمــيــه
مشكـور ياللـي تكـتـب الـمـدح مـنـاك= وســام مـنـك وعـنـدي اكـبــر هـديــه
ابـــا امـدحــك لـكــن مـانــي بــويــاك= حصـر المـدايـح فـيـك يصـعـب علـيـه
يسـراك ماتـدري عـن انـفـاق يمـنـاك= لنـك مــن ابـنـا شـيـوخ نـجـد العـذيـه
شف الشعر وشلون مـن بعـد ناجـاك= فــــي خـطـتــه وســــراره الـداخـلـيـه
علـى النـقـى والـعـز والطـيـب حـيـاك= مــالــه ورا الثــــلاث قــصــدن ونــيــه
نـطـق الـسـان ونـيـت القـلـب تخـفـاك= والله عــلــيــم الـبـيــنــه والـخــفــيــه
ويمكن من القراب تطلـع لـك أعـداك= وكــل الـحـيـاه تـــذوق مـنــه الاذيـــه
وتـمــوت ماجـيـتـه بابـيـتـه ولاجـــاك= ويـفـرح لـيــا شـافــك بـحـالـه رديـــه
وفــي كــل مجـلـس بالمسـبـه تقـفـاك= ونفسـه عـلـى نـهـرك وسـبـك جـريـه
لــو أنــت ماتـبـخـل عـلـيـه بعـطـايـاك =يبـحـث خـفـاك ولا يـشــوف العـطـيـه
ويمكـن بعيـد الـنـاس بالفـعـل يـرفـاك= ويـاقــف مـعــك بالـهـيـنـه والـقـويــه
من ماسمع في حزت الضيق شكواك =وقـت الرخـا كل(ن)غنـي عـن خـويـه
واللـي تشـوف منـاه بـعـدك وفـرقـاك= أبعـد عنـه لـو عـشـت بـارضـآ خلـيـه
أبعـد عـن الا نـذال قـربـك وممـسـاك= لــو رحــت فــي دار المـعـزه ضحـيـه
وأحسن بامن حولـك وربعـك نوايـاك =.والله مع اللي عـاش فـي حسـن نيـه
وأصبـر ورب الخلـق بالخيـر يجـزاك= كـم واحـدن شـاف الفـرج مـن ولـيـه
يالادمـي لـو تحـتـرص مــن خطـايـاك =ان مـاحـمـاك الله وطــيــت الـخـطـيـه
أمـش بطريـق الـصـدق والله يحـمـاك =ومـن الخطايـا النـفـس مـاهـي بـريـه
ويالشعر أنا فـي بعـض الايـام لـولاك =ضـاقـت علـيـه مــن جـمـيـع النـحـيـه
لولاي أجر الصـوت وسـرج مطايـاك= وفيـك أتوسـع عـن همـومـي شـويـه
مـاقــام حـظــي لا هـنـيــا ولا هــنــاك= ولا سقت مع صـف النشامـا المطيـه
ولـو ماحسبـت حـسـاب مـنـا ومـنـاك= عشـت العمـر مــن دون دار وهـويـه
ويــادرب يــادرب الــردا مامشـيـنـاك= ونفوسـنـا عــن رفـقـت أهـلـك غنـيـه
ويــالازام الـلـي بالعـسـر ماقضيـنـاك= مـاانــت بـشـهـاده لـنـفــوس الـدنـيــه
يــالازم أنـقـوم بــك لا مــن قـدرنــاك =ونجـعـلـك يـــالازم بـوجـهــك هــديــه

المشاركة الأصلية كتبت بواسطة يفوق الوصف (المشاركة 147420) الشاعر القدير خليف الوهيداني الله عليك صح لسانك واحساسك وعلا شأنك قصيدة رائعه كروعه حضورك الجزل لا يأتي منه الا الجزل ننتظر جديدك ومميزك تقبل مروري وتحياتي