تقول العيطموس:=-
-=-
ســـــــلام والخاطر منومس وطربان = والشعر مرسولي بحسن ولبــاقه
للنشمي اللي معتـــــــــــلي كل ميدان = بالكايده .. والمرجله .. والصداقه
اللي معـــــــــــزة خوته مثل الاخوان = لو ما اجتمعنــــا بالنسب والبطاقه
افــــــــــرح لبسماته وابادله الاحزان = وافـــزع واشوش اليا تكدر مراقه
يا سعود لوخاطــرك ضـايق وعتبــان = ابشر بعزك.. ما رخصت العلاقه
اونس مراسيــــلك .. قصايد وحرمان = تقطع بجسمي جرح ..وتعوق ساقه
والبال من بعدك مكــــــــــــدر وطنيان = والقلـــــب شاعل لاتزيد احتراقه
قدر ظروف الغايبـــــــــــه ياكحيلان = الوقت شوط" مالحقنــــــــا سباقه
جاتك بيوت الشعر وان كنت شرهان = ابشر بعزك ماتهــــــون الصداقه
-=-
قال سعود الدوسري:=-
-=-
يامرحبا ترحيب من قلب ..ولسان=ترحيب من قلبه تفــتق رواقه
ضامي على وصل الأحبه ..وشفقان=ما غير وصل احباب الأعيان ..شاقه
كم لي وانا ادور مع الصبر ..سلوان=حتى انحدر من موق عيني زراقه
عليك يالرعبوب ..يا خدر.. الأعيان=يا من غدا شوفك علينا ..شفاقه
حث الخطا ياروح روحي..على شان=تلحق على قلبٍ شعوره.. رقاقه
لو قال لك معذور في بعض الأحيان=تراه ما عنده على الصبر طاقه
وصلك دواء قلب من الحب هيمان=وصبرٍ على بعدك مرارٍ مذاقه
اقرب هنا لك بين الأظلاع مسكان=منزل غلا ماهوب منزل رواقه
تبختر بناديه شــريان شــريان=ومن كــل نبع فيه خذ لــك ذواقه