فألف الف مبروك لتحويل الحلم إلى حقيقه وألف مبروك على هذا الإنجاز وهاردلك لأمريكا وأسبايا

عشرين وأثنينه وعشرين جابوها =كفو بقطر هي لها وتجيبه تجيبه
عشرين واثنينه وعشرين حيوها =من الخليج لقطر مليون ترحيبه
عشرين واثنينه وعشرين هنوها=هنوا قطر مع حمد والشعب مع ذيبه
عشرين واثنينه وعشرين علوها=تحقق العز والأمجاد والطيبه
عشرين واثنينه وعشرين حطوها=في ذاكرتكم بهالتاريخ نمشي به
عشرين واثنينه وعشرين سموها=الدولة المستضيفه لكأس لعيبه
كأس العالم مثل ماهم تمنوها=جتهم على الكيف وبلا شك أو ريبه
رئاسة الفيفا بالشاشات ذاعوها=وتستاهله دامها تتعب بترتيبه
هي رتبت له خطط بالفايل خطوها=ثم شاركت به وفات في مواجيبه
وفي سوق واقف وقف شعبه وشوفوها=هي وقفت له بوفاء والكل يدري به
وفي سوق واقف وشعبه ما تناسوها=وهي ما نستهم وجتهم شامخه بهيبه
الشرق الأوسط وخليج العرُب حبوها=جابت لنا علم مااظننقدر نجيبه
نادت على الكأس دوحتهم ولبوها=والحر لامن كفخ صاد بمخاليبه
جاها محمد سليل الشيخ ثم جوها=الوفد كله وتحقق له مطاليبه
جوها الحلاحيل حاكوها وحلوها=ث وردوها لقطر والغير وش لي به
مبروك مبروك كل الماس غنوها=لاخوان روضه جزيل الشعر يزهي به
لدار التميمي حمد ياناس شيلوها=شمس الفرح شارقة ماظن لها غيبه
روح الفرح يا بشر لازم تعيشوها=في دوحة الخير كل الشعب يحكي به
وعشرين واثنينه وعشرين شوفوها=بدار التميمي حمد وضيوف نلفي به
وختامها يا سلام الله وجابوها=وكفو بقطر هي لها وتجيبه تجيبه