من روائع السديري
 

من روائع السديري
يقول من عدى على راسي عالي ....... رجم طويل يدهله كل قرنـــاس

في راس مرجومِ عســير المنالي ....... تلعب به الأرياح مع كل نسناس

في مهمه قفر من الناس خالي ......... يشتاق له من حس بالقلب هوجاس

قعدت في راسه وحيدٍ لحـــالي ........ براس الطويل ملابقه تقل حراس

مذكر في مرقبي وش غدالي ........ وصفقت بالكفين ياسن على يــاس

اخذت اعد ايامها والليالي ......... دنيا تقلب ما عرفنا لها قيـاس

كم فرقت ما بين غالي وغـالي ........ لو شفت منها ربح ترجع للأفـلاس

تقطعك دنيا مالها أول وتالي......... لوضحكت للغبن تقرع بالأجــراس

ياما هفا به من رجالٍ مدالي........ماكنهم ركبوا على قب الافراس

ولا قلطوهن للكمين الموالي......ولا صار فوق ظهورهن قطف الانفاس

ولا رددوا صم الرمك للتوالي.......كلٍ يبي من زايد الفعل نوماس

من بينهم سمر القنا والسلالي......مثل البروق برايحٍ ليله ادماس

يقطعك دنيا مالها اول وتالي.......لو اضحكت للغبن تقرع للاجراس

المستريح اللي من العقل خالي .......... ما هو بلجات الهواجيس غطــاس

ما هو بمثلي مشـــكلاته جلالي......... ازريت اسجلهن بحــبر وقرطــاس

حملي ثــقيل وشـايله بحتمالي ........ واصبر على مر الليالي والاتـعاس

وارسي كما تري رواسي الجبالي ......ولا يشتكي ضلعِ عليه القدم داس

يابجاد شب النار وادن الدلالي.......واحمس لنا يابجاد مايقعد الراس

ودقه بنجرٍ ياظريف العيالي........يجذب لنا ربعٍ على اكوار جلاس

وزله الى منه رقد كل سالي......وخلّه يفوح وقنن الهيل بقياس

وصبه ومده ياكريم السبالي.......يبعد همومي يوم اشمه بالانفاس

فنجال يغدي ماتصور ببالي.......وروابعٍ تضرب بها اخماس واسداس

لا خاب ظني بالرفـيق المــوالي...... مالي مشاريهن على نايد الناس

لـعل قصرٍ ما يجيله ظــلالي....... ينهد من عالي مبانيه للساس

لاصار ماهو مدهلٍ للرجالي.......وملجا لمن هو يشكي الضيم والباس

بحسناك يامنشي حقوق الخيالي.......ياخالقٍ اجناسٍ ويامفني اجناس

تجعل مقره دارس العهد بالي.......صحصاح دوٍ دارسٍ مابه اوناس

البوم في تالي هذامه يلالي ....... جزاك يا قصرِ الخنا وكــر الادناس


متى تربع دارنا والمفـالي............ وتخضر فيـاضِ عقـب ماهـي بيبـاس

نشوف فيها الديدحان متوالي.........مثل الرعاف بخصر مدقوق الالعاس

وينثر على البيدا سوات الزوالي......يشرق حماره شرقة الصبغ بالكاس

وتكبر دفوف معبسات الشمالي.......ويبني عليهنّ الشحم مثل الاطعاس

=======================================للمرحوم : محمد السديري

يعطيك العافيه الحياة اقدار وصح احساسك

وصح لسان شاعرها الله يرحمه وفعلا من روائع شعره ها القصيده

تحياتي لك

رحم الله الامير قصيده مشهوره ورائعه