|
صاحب اليل
صاحب اليل) ياليل قله صاحب اليل وش قال (قله ولا تذخر كلامً تقوله) البارحه طال السهر بالنظر طال سهران كل اليل عرضه وطوله زوله يورا لي تصاوير وظلال من وين مالد النظر شفت زوله ولا غمضت عيني طرت لي على البال يمرني عاًم باكامل فصوله اهيم به صاحي ومرات بهبال ومرات احس اني بزمان الطفوله انا معه في اغلب الوقت رحال وماباقيً من وقت وش لي بذبوله قمراي غطى نورها مزن وخيال لا شفت هتانه ولا النور حوله فيني وله سيله من الجال للجال والحب جيشه طوقتني خيوله اموت فيها بعد واحيابها وصال واتيه في بحر العيون الخجوله ياليل قله صاحبك امس في حال حالً عقب ذيك اليال العجوله ياليل تكفى خذ عيوني والاقوال خلني اشوفه قبل حكيً تقوله وليد السلطان |
وليد اسعد الله روحك نص ينبض ب الأحساس .. ويفوح منه عطر الوله .. بين ثناياه .. فصول اربعه من الذكرى خريف ظن .. وشتاء وحده .. وربيع امل ..وصيف إنتظار هنا لوحه .. من سهد عشق .. ومناجاة ليل .. في الغياب تحياتي ..وتقديري ..ودمت بخير |
الشاعر وليد السلطان جبروت حروفكَ ينثر الهمس بإحساسُك الأنيق كلماتُك همست بصدق يداعب السُطور صح نبضك وسلم بنانكَ انحناءة ياسمينة :r: |
الغالي الشاعر وليد السلطان الله انه يسعدك ويوفقك بجميع اوقاتك بكل خير ولقد اسعدني ان اكون ضمن المصافحين لهذه القصيده الاجمل من جميله و الاروع من رائعه وصح لسانك وعلا شانك مليون ولايكفون تقبل تحياتي |
الشاعر وليد السلطان
صح لسانك على الابيات الاكثر من رائعة ننتظر منك كل جديد موفق ريف .. |
كل الشكر والتقدير والاحترام لكم انتم على جمال المرور
|
| الساعة الآن 08:23AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية