عيديه اقدمها لكم

لله كـرهـك والطـعـون انفلـجّـا=اسألـك بالله منهـم اللـي يحـدوك
ادعيـك ربـي والمخاليـق حـجّـا=ليلة ظهـور العيـد والعيـد مبـروك
كـذا توادعنـي وانـا ليـك ارجـى=وتعزف وداعي في بست راقص الروك
وتعتم سمـاي وتنثـر الليـل عجـا=وتقطف ورودن ذابله وتزرع الشـوك
وتضحك عذولي بالفرح ضحك حرجا=ضحك العيون الناعسه وطخمها حوك
ياكيف تنكـر شـارب الحـب ثجـا=يومه شرب حبك كما شربـة الكـوك
وتدله حبيبن بالهـوى الـك ملجـى=شاري غلاتك يومهـم زهـد باعـوك
يخفاك دربك والخطـى فيـه درجـا=يخفاك حلمي يوم انا اغفاك مملـوك
يرضيك ليلن همت انـا فيـك سجـا=مشحوط تيي بتالي الليـل اشجـوك
يرضيـك هـذا استـمـر بالتفـجـا=وبهالزمن شـرواك يابنـت متـروك
ان ماقرينـا نتـقـن المستهـجـى=وان مافهمنا سهل نطبعـك بكـروك
وان زلت الخطوه تري ماهي عرجـا=ولاتاه ساري في اثـر درب مسلـوك
لادمعتـن تشفـع ولاسِمـع حـجـا=حسباك ربي والحسب فيـك محبـوك
لا انجال حزنـي والفـرح زاح هجـا=ولاطاب صدرن من خناجرك مدكـوك
صوت الخيانه بداخلـي منـه ضجـا=حيث النوايـا صافيـه زبـد يخـوك
لله درّك يـاقـصـور انـسـرجــا=ولايهون بيتٍ والشعر حبكن وحـوك
لله كـرهـك والطـعـون انفلـجـا=باشلاف طرقا من الطخم تزهر الشوك
ادعيهـا ربـي والمخاليـق حـجـا=ليلة ظهـور العيـد والعيـد مبـروك

الغالي
الشاعر
ابوصقر الشمري

اسعدك الله بجميع اوقاتك بالخير

واسعدني ان اكون ضمن المصافحين لهذه

القصيده الجميله والرائعه بروعتك

صح لسانك وعلا شانك ولاهنت



تقبل تحياتي