بكت عين القلوب الساكنه فـي عالـم ٍ مجهـول=ورسم سيل الوجع جرح ٍ علـى تربـة محانيهـا
وكسر غدر الزمن سيف ٍ حسام من الذهب مشغول=ولطم خد الكرامه فـي بيـوت ٍ صـدق نغليهـا
وانا في موقفي هـذا غرقـت فدهشتـي بذهـول=ونزعت البرقع اللي يحتضـن جوهـر حكاويهـا
صرخت وقلت وين اللي على بذر القهر مسـؤول=من اللي يزرع الأوجاع ومـن حقـده بيسقيهـا
علامه يضرب بيده على ظهـر الحـروب طبـول=علامه يرمي عيـون الحقيقـه حقـد ويعميهـا
وعادت صرختي عندي وحيـده مامعاهـا حلـول=تعجـز تبيـن الاسبـاب وتشـرح كـل مافيهـا
بكيت وهل هتّـان الدمـوع بمحجـري هملـول=عرفت ان الذياب تخاف مـن نظـرة حصانيهـا
عرفت ان اليهودي صار يثبّـت هرجتـه بفعـول=وصارت ناقتـه تلعـب علـى أجمـل مراعيهـا
عرفت ان نجمنا يغرق في بحر ٍ من خزا وأفـول=وعزت نفسنـا نامـت علـى صهـوة امانيهـا
رمينا عزنـا بقبضـة سراديـب ٍ عليهـا قفـول=وردمنـا قصـة الشيمـه وغيّـرنـا معانيـهـا
لك الله يازمن طـارق وخالـد سيفنـا المسلـول=رجـال ٍ شقـة البيـدا علـى الجنـه تناديـهـا
ياغزه للاسف حطوا عليك مـن العـذاب حجـول=وسالت غيمـة ٍ سـودا علـى تربـة اراضيهـا
وحنـا مـن بلادتنـا نكابـر والشـرف مقتـول=نغطـي عيننـا برقعـه عـن الدنيـا وبلاويهـا
ياغزه..مايفيد الصـوت دام ان فارسـك مشلـول=جروحه غايـره تبحـث علـى منهـو يداويهـا