/




















/





























/







































يا عمير نون العين ما يقبل النوم = عاف الرقاد وكل غفواته احلام
ما طاع عذاله ولو يكثر اللوم = ويحوم مع طير الهوا كل ما حام
متولع في حب حي من القوم = وزود عنا قلب على الحب مروام
حي سلب عقلي وانا فيه ملزوم = موالفه ما والف الجسم للخام
يا عمير قلبي بالهوا رايمه روم = روم الولوه لطفلها قبل الافطام
لو هو معذبني عسى ابوه مرحوم = قلبي عليه يبدل المشي درهام
حبه صبغ بالقلب يا عمير ماشوم = ما ينمحي طول الليالي والايام
يزيد حبه كل يوم بأثر يوم = ويا عمير من حبه تعرضت الاثام
يا عمير انا من زايد الحب مضيوم = شف دوك جسمي صابه الذبل وهيام
اضحك وقلبي بين الاضلاع مكظوم = واسكت وانا قلبي تعذبه الاسقام
انا الذي قلبي من الحب ماسوم = والعين هلت دمعها فرد واتوام
على عشير حط بالقلب مثلوم = ومكن صوابي بالحشا خشف الاروام
الحب قبلي له طواريق وسلوم = وحبي لمضنوني نفا كل الاحكام