قمر على البير واقف والحلا .. فيها = فقلت يا بنت من دلوك ألا..اسقيني
قالت شفاتك بعيني كنت اسقيها = لكن دلوي وله من هو يحاسبني
شربه من الما عسى ربك يجازيها = شربه عسى منها ميت وتحييني
بعطيك شربه ولا تثني بثانيها = بــِـل الرمق خوف اهلي هم يشوفوني
فقلت تسلم عيونك عـَـزّ ما اغليها = يكفي جوابك رواني فوق ترويني
قالت علي ّ البلاد قد كنت جيـيـها = قلت السفر عشق والعشقه بترميني
روحي عليله وادور من يداويها = ما لي احبــّــه ولا لي من يلاقيني
قالت فديتك على الدنيا ومن فيها = وان شيت تبقى فحيــّــا في وسط عيني
وان كنت راحل فـِـشل الدلو .. ما فيها = وانا مع اهلي فربك هو يلاطفني
فقلت ما اسخى عليك يا ورد كاذيها = جـِـعلّ كل البلا لا جاك هو فيني
هذي العبايه ثمن شربه اقاضيها = ذكرى ومني على بيرك تـــَــذكرني
وانا لي الله والأقدار امشيها = عطر الندى في ديار الشام تأسرني
قالت هديه إذا منك بتهديها = أمــّــا ثمن شربة الما عيب تثمني
هذي عباتك إذا ما كنت تشتيها = والا .. ببرد الشتا تبقى تدفيني
فقلت روحي إذا تطلب انا اديها = لا تحسبه قولة اديكم وتدوني
هاتي يدينك وتحت الدلو .. خبيها = أما جميلك فطول العمر هو دَيني