يامحـاول كسـر القلـوب المواليـف=وزرع الشقا بيـن الوليـف اوليفـه
ماغيـر الواقـع نميمـه وتحـريـف=ولا زعـزع الغربـي جبـال منيفـه
تاصل حبالي لـو فقـدت المجاديـف=ياريـف قلبـي يـاهـواه وخريـفـه
لك منزل بيـن الضلـوع المهاديـف=وقصت غرامن في خفوقـي طريفـه
ماعاد فيني صبر والصبـر ماعيـف=مغرم وذايـب فـي عيونن عفيفـه
ابدي وعدي فـي طـوال المشاريـف=اللـي علـى غيـر النـداوي كليفـه
واقـول بعـد اللهم رحمـه وتخفيـف=واجر صوتـن مـن حليـف لحليفـه
واطا الخطر ورسي على شاطي السيف=وداوي اجـروح الطعـون العنيـفـه
حب الشرف يثمر مع الوقت تشريـف=ولا الـردى مالـي بسوقـه وضيفـه
نسمت غلاك تلطـف الجـو تلطيـف=برقن سـرى يطـرب فـوادي رفيفـه
عجزت لحصي فيك كـل التواصيـف=يالماسه اللـي فـي يديـن الخليفـه
مصيونت عن عاتيـات العواصيـف=في جـوف زهريـه وقطـن وقطيفـه

[table1="width:100%;"]

[/table1]

---

المشاركة الأصلية كتبت بواسطة حجاب (المشاركة 179461) [table1="width:100%;"]

, ,, خارج / النص : ) عبيد ابو شيبه أتمنى أن تكون في تمام الصحه والعافيه / داخل / النص : ( استرسال وحبكه شاعر فذ . مبدع مبدع يا عبيد , مودتي / حجاب ,,

[table1="width:95%;background-color:black;border:8px ridge white;"]

[/table1]

---

المشاركة الأصلية كتبت بواسطة زايد الدغماني (المشاركة 179525) [table1="width:95%;background-color:black;border:8px ridge white;"]

الرااااائع عبيد ابو شيبه لوحه فنيه با تقان شاعر ورسام قصيده تجبر القاري على القراءه الى النهايه ومن ثم العوده للقراءه مره اخرى رااائعه الى ابعد مدى ولا غرابه من شاعر متالق دائما تقبل خالص تحياتي وصح السانك

[table1="width:95%;"]

صح لسانك وعلا شانك عبيد ابوشيبه

قصيدة رائعة وجميلة


دمت بخير