من خارج المجموعه الشمسيه
واقف واشوف الناس واسمع لها صياح = واقول رعب الناس فرصه ثمينه اهل القلوب الساليه ليه ترتاح = مايجتمع بالقلب طهر وضغينه ياسوق الاسهم فوق لحدود الارباح = واصرع ضعيف العزم عند الخزينه عهد الخديوي راح والعرش قد طاح = والنيل باقي ويتجدّد معينه آدم يقول الصبر للخير مفتاح = واقول بعض الصبر ذل وغبينه مدينة افلاطون سكانها اشباح = ابا احكم الاشباح هم والمدينه وابا ادخل القلعه بمليون سفاح = حتى حمورابي يشاهد بعينه على مقابرهم يقيمون الافراح = البرمكي واللي مشا في ضعينه مابالمغاره لأهل الكنز مصباح = افلس علي بابا وتبّت يدينه ماتفرح الصبخى بالانتاج فلاّح = فيما مضا جاه الخبر من جهينه سحاب صيف بروق ورعود ورياح = قض المضاجع واستباح السكينه الجني الاعور معه جيش وسلاح = تودّدوا له لأنهم حاذرينه وجه الغضب في كهف تحضير الارواح = شمس المعارف ماسكه في يمينه على البحر يطفو مكاتيب والواح = وعلى شفا الجودي بقايا سفينه هذا الغضا من حر فرقاك نوّاح = يامالك ابن الريب حاله حزينه جرير له وارث من الناس طمّاح = ماهو من اصلابه ولا الجين جينه حفيد ابو تمّام ترميز وايضاح = ماهو مهم ان كان تفرق سنينه ماجيت يالنعمان للجوخ مسّاح = لو يرجح الميزان في كفّتينه |
الغالي الشاعر عبدالله المفضلي الشمري الله انه يسعدك بجميع اوقاتك بكل خير ولقد اسعدني ان اكون اول المصافحين لهذه القصيده الاجزل من جزله والاروع من رائعه من شاعر متمكن وله باع طويل بالشعر وصح لسانك وعلا شانك مليون ولايكفون وتقبل تحياتي |
حيه وحي ماجاب
عبدالله صح لسانك ملاييييييييييييين تحياتي . |
عبدالله المفضلي
تسلم على هذه الجزاله صح لسانك مدد بلا عدد |
عبد الله يا الله حيه هلا بك صح لسانك وقلبك وروجك قصيده جميله حيل استمتعت بقرائتها مبدع تحياتي رهب |
صح لسانك وعلاء شانك
والصبر مفتاح الفرج تحياتي وتقديري |
صح السانك حفظك الله ورعاك
|
مشا الله عليك وتبارك الله جزل وغني بالمعاني
مابالمغـاره لأهـل الكنـز مصـبـاح ما بالمغاره يا هل الكنز مصبــاح تقبل مروري وصح السانك |
بوح وذآئقه بمنتهى الرووعه صح لسآنك لاعدمنـــآك... هلا وغلا نورتنا برجوعك غيبتك طالت اخوي.. ......... بإنتظآرجديدك بكل شوووق ودي وشذى الورد http://www.lamst-a.net/upfiles/jbx37183.gif |
صح السانك لاهنت
|
الساعة الآن 12:52PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية