|
الجفول ؟
السلام عليكم ورحمة الله وبركاته
أعتذر عن الغياب .. وهذا نص وليد لعلّه يرتقي لأذواقكم يمكن يصير الصمت للموقف حلول=ويمكن يزيد الصمت نبرة من جفاي ويمكن يكون الود سامح لو نقـول=ويمكن يطيح الدمع زايد من عنـاي ويمكن يغيب النجم يخضع للأفـول=ويمكن يضيع الحلم مايطلب هـداي ويمكن يعيش الحب قابل للعـدول=ويمكن يروح الصوت مايسمع نداي لكـن غلانـا يامرامـي مايـزول=يبقى رهين الروح ساكن في حشاي يبقى حياتي في حياتي لـو يطـول=يبقى سنيني ياسنيـنٍ مـن عطـاي وابقى سجينه في رضاتي والقبـول=ويبقى سجيني في ضلوعي يامنـاي والرب يُعرف عارفينـه بالعقـول=والورد يذبل لافقد رشّـت يـداي أبسألـك بالله عـالـم مانـقـول=الواحد اللي كاشفٍ ساير خفـاي وش لي بقلبك من مكانه يالجفـول؟=وش لي بقلبك من مكانه ياغلاي ؟ تدرين لأجلك سار دمعي للنزول؟=تدرين لأجلك دمعتي تطلب رضاي؟ تدرين لأجلك عايشٍ وقت الخمول؟=تدرين لأجلك ثمّ لأجلك يارجاي؟ حرام جفني من دموعي بـه محـول=حرام صوتي يحتمـل نبـرة بكـاي والله أحبّك والمحبـه لـه فصـول=وأنا فصوله في ربيعـه فـي شتـاي وأنا فصوله في خريفـه والوصـول=وأنا صيوفه في صفوفـه يافـداي هذا جوابي واسمحيلي لـو يطـول=تبقى نجومك ساطعـه تملـى سمـاي تبقى غلاتك ساحره حتّى الذهـول=وابقى رهين الـود.. ياريمـة فـلاي وسلامتكم هلال الشمري |
الشاعر القدير : هلال الشمري ..
كانت كالعطر عبيرها ملأ الأحرف .. نقية معانيك كنقاء الروح .. سلم بنانك وسلم فكرك .. تمنياتي لك بالتوفيق.. تحياتي  |
هلال الشمري
صح لسانك وكلك على هذا النص الرائع تحياتي |
يمكن يصير الصمت للموقف حلول ويمكن يزيد الصمت نبرة من جفاي ويمكن يكون الود سامح لو نقـول ويمكن يطيح الدمع زايد من عناي ويمكن يغيب النجم يخضع للأفـول ويمكن يضيع الحلم مايطلب هداي ويمكن يعيش الحب قابل للعـدول ويمكن يروح الصوت مايسمع نداي هلال الشمري قصيده معبره بتقاسيم الصدق بين الأبيات تحياتي وتقديري لك |
هلال الشمري
صح بوحك ولاهنت تحياتي.. |
الغالي
الشاعر هلال الشمري الله انه يسعدك ويوفقك بجميع اوقاتك اسعدني مروري على متصفحك وبطيه هذه القصيده الاجمل من جميله وما بها من ابداع وصح لسانك وعلا شانك ولاهنت وتقبل تحياتي |
اقتباس:
|
هلااال الشمري حيااك الله وزدت النوور .. نوور تبقى غلاتك ساحره حتّى الذهـول وابقى رهين الـود.. ياريمـة فـلاي هناااا أمتزج الصدق بالوفااء وكان الحب هو الإنـاء فكيف لاا نتذوق هذا المذااق كتبت فأبدعت ولا تحرمناا من هذا البووح مع كل الود جاايز |
هلال الشمري
الله الله عليك ابداع في ابداع صح لسانك |
صح بوحك ولاهنت
|
| الساعة الآن 09:19AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية