البارحه حولي عيون ولا اشـوف الا العيـون=تروح بايامي سنيـن ٍ ماخبرتـه بـاي عـام
دمعه حزن مدري فرح والكون مبداه السكـون=يوم النسايم صامتـه بالليـل وتجيـب الكـلام
حسيت انى عارف ٍ نفسي ولا ادري من اكون=بعضي غصن بعضي ورق متمايل فيه الغـرام
جتني امانـي ليلـة وادري بأمانيهـا تخـون=خليتها تمشي معي عـل الامانـي مـا تـلام
اتبع هوى نفسي واقول ان الهوى بعضه جنون=خذيت عقلي من هواها واتـرك الباقـي هيـام
سلمت في كف ٍ تشوف المصايب لـو تهـون=تترك مصايبها علـى يمنـى تمـده للسـلام
جرحي وهو جرحي يمون به الغلا وما يمـون=اسقيه من قلبي غلا واتـرك مطالبيـه تضـام
لو ان في دمعي فرح كان ابتدا ليـل السكـون=وكان اسمحت لي بالنسايم اعرف حروف الكلام
حسيت انى عارف نفسي ولاا ادري من اكـون=بعضي ترك كلي على غصن تمايـل بالغـرام