بكيتك........بكيتك
وش الفرحه؟ بلا بسمة شفاتك كان ماتدرين؟=وش الراحه؟ سوى همسه تبعثرني من اشفاتك عصر قلبي افراقك وانطويت بسرحة التخمين=اشوفك؟ مااشوفك؟افتقدتك؟ بعد جياتك؟ بكيتك..يوم شفتك كل يوم بحسره اتموتين=بكيتك..يوم شفت اني خيال اتتبع ارفاتك قدر..مدري علامه يحرم عيوني من الغالين؟=قدر..خلاني اكتب حزن حرماني بصفحاتك حزينه حالتي..والوحده المره..وغربة عين=وخيالٍ سارح يردد من اللوعات كلماتك تناساني؟ وترثيني قصايد ماتغيب سنين؟=تذكرني؟تجي تسقي ثرى قبري بدمعاتك؟ دخيلك غيري هذا الحديث ..وجرحه لبعدين=حرام اتموت بالحسرات لحظاتي ولحظاتك هي الصدفه مشت لاخر محطاتي معاك ..ولين=وقفت بحيرتي مكسور قلبي في محطاتك ياحزن الليل ياليلٍ حزين بهجعت الغافين =انا من يسهرك ياليل حرماني ولااباتك ابيك اتناظريني في عيونك..بين حين وحين=اليا منك تفقدتي عيونك..داخل امراتك تشوفيني قريب بنظرتك ولا تقولي وين؟=انا عندك..معك..ماافارقك...قدام شوفاتك دريتي وش هي الفرحه ؟بعد ماغبتي وتدرين=يموت بكل لحظه عاشقك بالبعد لاماتك |
يـمــوت بـكــل لـحـظــه عـاشـقــك بـالـبـعـد لامــاتــك علي المبرد صح لسانك يالقرم و لاهنت أبد مبدع لحروفك و أبياتك جمال أخر لا ينفرد به غيرك يا علي كل التقدير ريف .. |
الشاعر القدير: على المبرد
صح الله لساااااااااااااانك واعتلا شااااااانك جزل جزل ياعلى ومتابع لجميع نصوصك الجميلة |
الصمت في حرم الجمال جمال رااااااااااااااااائع وصح لسانك ملايييييييييين بإنتظار كل جديد بشوق أرق تحيه |
الشاعر
علي المبرد مفردة تغرد لحنا" من الحنين والشوق ونحن لها منصتين دوما" أحساسك مترف بالمعنى الجزل عقد ياسمين |
الشاعر القدير علي المبرد
قصيدة الجمتنا بجمالها وحسها المؤلم صح لسانك وبوحك ولاتهون |
علي المبرد
اسعد الله اوقاتك بكل خير كعادتك مبدع ياعلي صح لسانك ملاييييييين تحياتي . |
الللللله اللللله
صح لسسآنك يالقررم مبددع في شوق قآدمم |
الغالي
الشاعر علي المبرد والله انه يسعدك بجميع اوقاتك بكل خير ولقد اسعدني ان اكون اول المصافحين لهذه القصيده الاجمل من جميله والاروع من رائعه من شاعر متمكن وله باع طويل بالشعر وصح لسانك وعلا شانك مليون ولايكفون وتقبل تحياتي |
اقتباس:
لتواجدك اسعدني كثيرا دمت بخير |
الساعة الآن 06:00AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية