لاتنزعجي ياأم المؤمنين للشاعر المتألق /عيسى عبدالله الصعفق
 

الغيمة اللي جرحها البرق تنزف بديم -- ياطهر ماها ليا بلت عروق الثرى
ينبت على طشها عفاف كل الحريم -- ويسيل وادي من الرضوان منها جرى
اشرف مره بين زمزم قد مشت والحطيم -- واشهر مره داجت اخطاها بأم القرى
تجري دما عروقها من دم صاحب حميم -- الله عطاه الغنى يوم العباد فقرى
هوثاني اثنين بالغار وصحيبه عظيم -- ينطق عن الحق ماينطق كلامٍ هرى
ماشربت الطهر من ماء الصدر والا الحكيم -- قدشربته من يدين اطهر رجل بالورى
والا انت ياضاربٍ سوطه سواة البهيم -- كفارتك مالها بالسوق بيع وشرا
انضجت جلدك على شيءٍ تريده عقيم -- ولو جرحكم بري جرح عقولكم مابرى
السقم يطلق على من كان عقله سقيم -- والعلم ياصل به الداري لمن مادرى
والا المواري على راع الدماغ السليم -- تنضح ولو مافتح صفحة كتاب وقرا
لاانتم هل الكهف ولا بانتم من اهل الرقيم -- ولاانتم لمن يرتجي منكم فوايد ذرى
والطعنة اللي بظهرك ياحفيد الكريم -- ماجتك قدام جتلك يالرضي من ورا
والحاكم اللي له الثلث بوفاة الحكيم -- لمحكمينه بقى الثلين فيه اخشرى

صح لسانك ورفع الله قدرك في الدنيا والأخرة

تقديري

صح لسانك وعلا شان
لك ودي ووردي