صد ورد من الحاضر الى الماضي
والضمين بقلب أبويه اقرب اقرب من قرابه =قسمة بالعمر تبقى وان قسم معها الحليب فهناك من ابناء قاضب الضميني الله يرحمه مربوطين مع بعض ابناء مطلق بن عواد الخالد في اخوه من الرضاعه واقسط بهذا البيت ان حتى حليب الامهات قسم مابين الاطفال ناهيكم عن قسمة الماء والطعام ,,,,, ولكم انتم جميعاً ياقبيلة الضمين شهاده حق فالضمين لهم مضمون خالد يتجسد بالعلياء والخوه الصادقه والخصال الرشيده والمكانه الرفيعه الى الابد وتبقون احد أهرام هذه القبيله الشامخه واتمنى ان تكون القراءه لقافية العجز بالقصيده بكسر الياء حتى لايختلف نطق المعنى والارسال للقصيده صوتي اكثر من ان يكون قراءه واعدكم بانها سوف تسجل في ستديو صوتي وتهداء لجميع قبائل ولدعلي قبل ان تهداْ لقبيلة الضمين جيت من فوق السطور وقبل مابدا بالكتابه= انت ياشبل المراجل ما ادريت انك اقريــــِب لكن اني بعترف لك والقدر فوق السحابه =المحبه ثابته لوانت عن عيني إتغيـــــِب قبل ماتقراً قصيدي والعتب كله لبابه=اذكر ابويه يوصي والوصيه ماتشيـــِب الثلاث الي لهم نهج(ن) كما نهج الصحابه=سيرت(ن) تبقى وتنسخ من كتاب الى كتيـــــِب مجلس لــطين ينعى والبقيه في ترابه =وان شكى لي صدع جدره قلت انا ماني بطيــِِب قال قاضب كان واقف ونوخ اقبالي اركابه=والنخل كله ثلاثه والدلو وسط القليــِب وعتلى محمدوعمد والوهج يشعل شبابه =وعقدوا نيه بنايه ارضهامدرج شعيــ ِب وضربوا طوبا مدبل هندسة عرف ورتابه=وبامر رب الكون يسمك بنيهم ماهو يخيــِب الصبايا تجدل الماء وراسها فوقه عصابه=تنعش الارواح نسمه كل ماهب الهبيـــِب وكتمل مجلس المطلق مابنوا هيكل البابه=مدلهاً لضيف يبقى و كل مالاذ الغريــِب والضمين بقلب أبويه اقرب اقرب من قرابه =قسمة بالعمر تبقى أن قسم معها الحليــِب متجراً لطيب ينصى مكسبه للي شرابه =عظم راسي طق باسي **كل راسي ماآآ تعيب والضميني اضمن العلياء قبل تعرف جنابه=فوق عرش المجد ينزل ماهبط فوق الكثــيــب ابو باسل |
رد الشاعر
عبدالله محمد الضميني اولا اشكر الشاعر الكبير شاعر ولد علي عادل مطلق الخالد على ماذكره من كلام طيب وذكريات جميله وكل ماقاله عنا وعنهم وهو بالفعل كنا شيء واحد والشيخ مطلق كان مع الوالد( محمد) وعمي (قاضب) رحمهم الله اخوة وجيرة ورجولة وعون لبعضهم البعض في كل شي لاننا في بيئه طيبه وقرابه باالقبيله ونعم الجيرة والحقيقه انا اقول جزاه الله خيرا الذي ذكر هذا الكلام والعشره والعيش والملح الذي لاينساه مثل اولاد الشيخ مطلق رحمه الله وهم كانوا اكثر من اخوان لنا كما كان ابائنا رحمهم الله والكلام اكثر من هذا بكثير ولن ينتهي فانا اشكر الاخ عادل على ماذكره لله ثم للتاريخ وعلى ماوثقه وجزاه الله الف خير ورديت عليه بهذه القصيده المتواضعه وهي بكسر الياء وتشديده
ياهلا يابن الرجال اللي لهم قــدر ومهابه =يابن مطلق يارفيقي ياقريبي يااحبيـــب حي من هو ابن ذيبا ضــــــيغميا ينحكابه =بالكرم والجود فعله مامشى دربا امعيب اشــــهد انه خالدا بالقلب معنا في غيابه =وانت ياذيب الذيابه جعل شمسك مااتغيب وربعنا الخالد اكعام المعتدي وقت الحرابه=ياعزيزين الجــــناب اللي لهم مجدا امهيب يارفيعين المعالي كلنا واحـــد ولابــــــــه= ماتغــــــيرنا الليالي يالله انــك لاتخيب والثلاث اللي على العليا رقوا مثل الذيابه= كاسبين الطيب مافـــي فعلهم شيا ايعــيب كنهم رجال واحد ماتفرقهم عـــــــــصابه =ولايفرقهم عدو ولا يغيرهم اصـــــــحيب رحمتك يارب ترحم كل واحد في ترابـــه =من جميع المسلمين ومن بعيد ومن قريب ياحفيد الشيخ قدرك ماتغـــــــطيه الكتابه =لو نولف به مجلد يابوباسل مع كتيـــــب ياوريث الطيب قلت الحق مافيها غرابه =وانا طيب ياعريب الجد مادمت انت طيب |
رد الشاعر حلم الليالي الضميني
الله الله ياقصيده جات من فكر سرا به=الشعور الصادق اللي معتلي فوق السحيب جاب سيرة طيبين الفال بالاطياب جابه=الفخر مع كل درب يسلكونه او دريب لو كتبتوا لو سطرتوا مجدا الخالد سمابه=ماوصلتوا لو قليله مجدهم كونه رحيب لابسين العز ضافي زاهيا باحسن ثيابه=وهم رجال بالشدايد للمراجل ماتسيب عز رسمي لامقلد لااقتباس ولا طلابه=دوم مع مر الليالي حاظرا ماهو مغيب منهم التقدير ينبع ومنهم الجود اجتلابه=والكرامه والشجاعه مابها شك مريب من لقاهم بالعداوه ياعناه وياعذابه=سيفهم يصهر عداهم كن به شئ مذيب وابو باسل شبل من ذيك الاسود اللي مهابه=فعلها منظور والنظره لناظرها تهيب مالهم بالمثل ناسا لو هي العالم تشابه=لو يقولوا مثل ذولا يعتبر امرا عجيب لو نعبر مايكفي شعر مع نثر وخطابه=واختصرت اللي بقوله شعر في ظني هذيب واستميح العذر منكم لو مالعذري اجابه=تتعب ابيات القصيده لو فضايلكم تجيب جعلكم توفيق ربي وجعل دعوتنا مجابه=يحفظ اللي باللوازم فعلهم ماهو مخيب والاخوه والصداقه شمس ماعنها حجابه=مشرقه مابيننافوق الجبل فوق الهضيب |
رد الشاعر عبدالرحمن الضميني
مرحباً بك يوم جيت ومرحبا عز ووجابه=انت ياصفو النوايا كيف احصلك وأجيب كيف أوفيك الجمايل بالجميل وفي جوابه=الوفا رده صعيب ولا الكتابه ماتهيب فيك يانسل الأكرام الي لهم بالمجد جابه=مداتهم تبر العليل وتبقي المحزون طيب الوفا طبعن بهم من دون لاشك وغرابه=الردي الي بقلبه في نوايا الطيب ريب ماذكرت الا رجالن فعلهم ماله مشابه=بالمحبه والأخوه كلن لجاره رحيب فعلهم لامن ذكر يمتلي صدري رحابه=ذكرهم درس المراجل به مجالسنا تطيب خوال ابوي وعزوته في كل مرباعن مشابه=ورثونا طيب ذكره فوق عالي الرجم نيب دين واصلاح وتعامل شرع ربي مع كتابه=ومن تعدى عن حدوده يحتمل حام اللهيب يحي الله ذكرهم ياحي من عد وحكابه=يحي الله كل نشمي مانسى ربعه وسيب |
مجاراة الشاعر فارس الطويلعي
راكب الي لونها لون الربابه=طائرة الميج من فوق الربيب استلم ok من برج الرقابه٠=وردها ok والتوجيه صيب من طوالعة السماء باول شبابه=فوقه متنه نجمته والساس طيب ثم كفخ بالجوا وبلغهم اجابه=سرعته بالماخ والكيلو مغيب لابتي والموت ماتحسب حسابه=مايروم المجد من يشكي صعيب مسلكه جسر الهواء فوق السحابه= والاثير بصوته المرسل يهيب كل مافي الارض في عينه تشابه=وقع التخطيط والمهبط قريب الملاحه صحوها مابه ضبابه=وستلم إيعاز باسقاط الكتيب وستدار ودار وذهل من شقابه=والوهج كنه مراسيل الشهيب الجبل رزه ورعب به ذيابه=والجوارح تزبن القشع وشعيب الضمين يخصهم أهل الرحابه=أهل الامجاد بالوقت المشيب الضمين الفعل من قبل الاجابه=الضمين مدللة ذود الغريب الضمين السيف في حده مهابه =وان سطا دم العدو بزه شخيب وعادل الخالد له عزاً رقابه=نجل مطلق صاحبي ماهو يخيب ابو باسل من يوده يا هلابه=ياهلابه مد مع نشو السحيب مجاراة الشاعر خالد الشويوي العنزي
دنوا البوك المسطروالقلم لجل الكتابه=البكر تقعد اعماسي وكل ثنوى ابقدر ثيب ماني امدرهم عسيفه مع خراسيف الشعابه=جيت البي صوت داعي مالي العذر اتغيب للضمين اهل الوفاءوالمرجله واهل المهابه= السلام اللي بعطره كل طيب له ايطيب اهل الجزلات يبغى طيبهم مابه غرابه=والثنى رده وفاء يوم الردي منه يتهيب اوربا امحمد وقاضب مع ابويه في شبابه=ودبشي الله يرحمه كنت انامنهم قريب ام محمد نزلوها وابوشامان بغيابه= بينهم ماتشب نار الا ابيته لوتغيب والله اني عشت معهم كان تبغون الاجابه=عارضي من عقبهم يوم اتذكر غصب شيب شيـخهم عبدالعزيز اوهم له اربـوعن اولابه=ساكنين غـضي يـوم غـضي وقته كان طيب اوجدي امحمد مقامه عندي ابويه يهابه=يوم سميت اولدي باسمه عسا لي مايخيب ياالله ان ترحم ارجالن كلهم ربع اوقرابه=عشت معهـم بالطفوله عنهـم بصدري كتيب اوكل طيب له مقام اوكل رجل احسب حسابه=والردي عن المراجل دايمن حضه مغيب والخلايق بالطبايع والوصايف ماتشابه=بس وين اهل القلوب اللي مثل شخب الحليب |
يعطيك العافيه ياعادل على ما اوردته من جزل القصص والقصيد
مساجلات اكثر من راائعه تقبل خالص تحياتي وتقديري |
صح لسانك ولاهنت....... ابيات وقاصائد رائعة
|
اخوي عادل
ردية جميلة وقصائد تحمل عبق الاصالة تشرفت بالمرور تحياتي رهب |
الغالي
الشاعر خالد مطلق العنزي الله انه يسعدك ويسعد من ردوا وجاروك سعدت كثير بمصافحة جميع القصائد وكلكم والنعم فيكم وصحت السنكم لكم تحياتي |
صح لسانك وسلم بنانك يامبدع ..
ودي وتقديري |
الساعة الآن 08:18AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية