جعله سيعد عليكم يا اهل الغاط =ياللي لكم في كـل قاله مقاليط
تاريخكم بالمرجلة كلها حاط =من عصر (( زايد )) والقنا والمخابيط
يوم الزمن محيف وسنينه شطاط=باهون صروفه يذهل العقل ويحيــط
ليا من نيران الفتن شرها شاط =والحبل جا معقود والفتق ما خيط جا (( للسدارى ))
بأول الناس مقلاط = لرفع الفتوق وحل عقد المرابيط
اهل قدايم مابها شك وغلاط =بافعال ما هي واسطات ومصافيط
لو هي بحصر اتعبت حاسب وخطاط =لو ماني ملم بالاحداث ومحيط
قد قيل بالاعلام ما عالم حاط =وما دون التاريخ مافيه تغليط
شاهد عيان يوثق حروف ونقاط =ما شابه افراط ولا فيه تفريط