(القصيده بصوت حامدزيد)

يا ونةٍ ونيتهـا مـن خـوى الـراس=مـن لاهـبٍ بالكبـد مثـل السعيـره
ونين من رجله غدت تقـل مقـواس=ويوّن تالـي الليـل يشكـي الجبيرة
ويا حمس قلبي حمس بنٍ بحماس=ويا هشم حالـي هشمهـا بالنجيـره
ويا وجد حالي يا ملا وجـد غـرّاس=يوم أثمرت واشفا صفى عنـه بيرة
من ثمر قلبي سـرا هجعـة النـاس=متنحـرٍ دربٍ عسـى فيـه خـيـره
الله يفكـه مـن بـلا سـو الاتعـاس=ومن شـر عبثـات الليالـي يجيـره
في ديـرةٍ تقطعـت عنـه الارمـاس=سبعيـن يـومٍ للركايـب مسـيـره
لا والله إلا حال مـن دونـه اليـاس=حـط البحـر والبـر دون الجزيرة
يالله ياللي رد من عقـب مـا يـاس=يوسف على يعقوب وابصـر نظيـره
ترد على دباس يـا محصـي النـاس=يـا عالـمٍ مـا بالخفـا والسريرة
يا دباس أنا بوصيك عن درب الأدناس=ترى الـذي مثلـك يناظـر مسيـره
عليك بالتقوى ترى العـز يـا دبـاس=فى طاعة اللـي مـا ينجيـك غيـره
هاذي ثمان سنين من رحت يا دبـاس=لا رسالـه جتنـي ولا مـن بريـره
يا دباس من عقبك ترى البال محتاس=وعليك دمـع العيـن حـرّق نظيـره
وعليك كنى فى دجا الليـل حـراس=أصبح على حيلـي وعينـي سهيـره
أصبح أنا مابيـن طـاري وهوجـاس=وطـواري تطـري علينـا كثيرة
مثل الوحش قلبي على كـف حبـاس=يكفخ كمـا طيـرٍ اسبوقـه قيصره
متحيرٍ من عيلـه البيـت يـا دبـاس=ارجي ثـواب الله وأخشـى المعيرة
أخاف من حكي العداء ثـم الأنجاس=أهـل الحكايـا الطايلـه والقصيرة
ويقـال خـلا عيلتـه عنّـز الـراس=أقفـى وخلـى عيلـةٍ لـه صغيـره
وإلا فأنا يا بـوك قطّـاع الارمـاس=مانيـب مثبـورٍ أو رجلـي كسيـره
آصلك لو دونك نبا حمـر الاطعـاس=الصلـب والصمـان دروب عسيـره
مهالـك مـدارك مـا بهـا أونـاس=ألا الثعـل والبـوم تسمـع صفيـره
لو كنت فى نزوى وديرة بنـي يـاس=أهـل المـوازى والوجيـه الغبيـره
عبّـادة الأصنام شرّابـة الكأس=الخمـر والتنبـاك فيـهـا وغـيـره
لركب على وجنا من الهجن عرمـاس=فجا النحر يا دبـاس حمـرا ظهيـره
متروسة الفخذيـن مزبـورة الـراس=كن الخـلاص عيونهـا يـوم أديـره
أو شبـه ربـدا تخفّـق لـلأونـاس=وان رفّعـت جنحانـهـا مستـذيـره
تنشر من العوده على نـور الانفـاس=عند الفجـر والليـل مقفـي مريـره
والعصر بالصمان تسمع لها اضـراس=حبـل الرسـن خطـرٍ تبتـر جريـره
نهـار ثالـث بيـن حـمـا الاوراس=واره يمينـك جعلهـا لـك سفـيـره
ثـم أركـب ساجيـة تقلـب الـراس=تمشي بأهلها في البحـور الغزيـره
إلى مسقط الفيحاء بها الخير محتـاس=لـولا الكفـر والشـرك واوي ديـره
عز الله انهـا ديـرةٍ مالهـا أجنـاس=لـولا بهـا يعبـد مـع الله غـيـره
لـولا بهـا يشـرك علـي وعبـاس=وأيضا بهـا الفـاروق سبّـه بريـره
فيها الطبيخ وراهي الخبز يـا دبـاس=يقعـد خـوى الـراس خنـة خميـره
هى ديرة اللي باغـيٍ كيفـة الـراس=ولا له أحد همه مـن النـاس غيـره
هيسٍ ولد هيـسٍ للمواعيـن لحّـاس=يفـرح إلـى نيـدي لذبـح النحيـره
وماقفك ذا يا دباس ما فيـه نومـاس=يصلـح لقيـنٍ مهنتـه طـق زيـره
ترى الفـداوي دون وانشـد النـاس=راعيـه مـا يذكـر بمـدحٍ وغيـره
ماله سوى طق الحنك منـه واليـاس=وليا انقطع خرجـه فـلا لـه ذخيـره
طلب المعيشه بالحراثـه والاجنـاس=المشترى والبيـع يوصـف وغيـره
قم انهض العيرات مـع كـل فـرّاس=يـا دبـاس دوّر خيّـر تستشـيـره
جدك وعمانـك هـل العـز والبـاس=أهـل اللـوازم مكمليـن القصـيـره
يا دباس ما يصبر على البق والحـاس=ألا الـذي مالـه بنـجـدٍ عشـيـره
واليوم يا مروي شبـا كـل عبـاس=أنت الرجا يـا كعـام وجـه المغيـره
عشرين عامٍ كلها أرجيك يـا دبـاس=مثـل الغريـر اللـي تولـع بطيـره
عد المناكـب هيلـعٍ فـرخ قرنـاس=يمناه فـى لطـم الحبـاري شطيـره
عانق خلوجٍ روّحت عقـب مـرواس=عنـد العصيـر لبيضهـا مستـذيـره
والليل جاها وحال من دونهـا اليـاس=روحها علـى فرقـاه فـرت فريـره
يا دباس أنـا يابـوك مانيـب بـلاس=ميـر ان عيـلات الرفاقـه كثـيـره
جنبت وسط السوق وامشي مع الساس=وأخذ شـوي الحـق واتـرك كثيـره
يا دباس لو جبت من دحـب الاكيـاس=مختلفـةٍ مــا بـيـن رزٍ ونـيـره
مالي بها يـا جعلهـا بألـف قبـاس=أو جعلها تذهـب ولـو هـي كثيـره
يا دباس قلبي كل مـا هـب نسنـاس=شرقيـةٍ هبـت بقلـبـي سعـيـره
والحال يا فرز الوغى مسّهـا البـاس=عليـك يـا ناطـح وجيـه المغيـره
وغصون قلبي يا فتى الجـود يبّـاس=غـادٍ أنـا يابـوك كنـي هشـيـره
من شافنـي يقـول ذا فيـه لسّـاس=واللـي بـرى حالـي إلهـي خبيـره
لا وعلا مـن قبـل غـوّال الانفـاس=ومفـارق الدنيـا يجيـنـا بشـيـره
عسى يطق البـاب والنـاس غطـاس=يـا والـي القـدرة عليـك اتعبيـره
وصلاة ربـي عـد ماهـب نسنـاس=على النبـي عـدة حقـوق المطيـره

حــي الجوابالـلـي لفـانـامـن الـــرأس=
جـابــه غــــلام مــــا تــوانــا مـسـيــره

أهـلا هـلا بـه عـد مـا حـبـك قـرطـاس=
او مــا كـتـب فـوقـه بـيــوت شـطـيـره

جـواب مـن هـو لـي مـود مـن الـنـاس=
ابـــوي مـــا يـوصــف حــلــي لـغـيــره

فرزا الوغـى كنـه علـى الوكـر قرنـاس=
قــــروم ربــعــه كـلــهــا تـسـتـشـيـره

دلـيــل عــيــرات لـيـاهــب نـسـنــاس=
ثـــم ادلـهــم الـجــو ومـابــه ذخــيــره

مهفي الغنم لأهل الركايب والأفراس=
لا روحـــوا لــــه لا عـلـيـهـم قـصـيــره

راعــي معامـيـل بـهـا العـبـد جـــلاس=
للـبـن يـشـري بالسـنـيـن العـسـيـره

هــاذي بمركـاهـا وهــاذي بمحـمـاس=
وهـــاذي يـصـبـه للـوجـيـه السـفـيـره

وخــلاف ذا يــا راكــب فــوق عـرمـاس=
مأمـونـة مـــن نـقــوة الـهـجـن عـيــره

حمرا وهي في سنها وقم الأسداس=
متـوسـط لا فـاطـر ولا هــي صـغـيـره

مـاهـي لـحـوج راكـبـه بالعـصـا قــاس=
حــرم عليـهـا غـيــر شـيــل النـقـيـره

والخـرج هــو وبـيـوت قـيـل بقـرطـاس=
مـع مـزهـب الأيــام مــا هــي كثـيـره

وفوقـه غــلام منـوتـه قـطـع الأرمــاس=
لـــو هـــو بـلـيـل مـــا تـغـيــر نـظـيــره

وليا لفيت الدار فا جهـر بـا لأحسـاس=
وبـلـغ سـلامـي كــل ذيــك العشـيـره

واختص أبوي اللي نفل جملة النـاس=
وخـصـه بعـلـم وقــل تـرانـي بـشـيـره

لا يـا نجـي الـعـرض يــا بــوي لابــاس=
كــان تشتـكـي الضـيـم فـأنـا أسـيـره

وان سايـلـك عـنـي تـرانـي بـنـومـاس=
وانـا أحمـد اللـي مــا توسـلـت غـيـره

المـدح لـو يـشـرى شريـنـاه بأكـيـاس=
بأمـوالـنـا نـرخــص نــــدور الـسـتـيـره

مـطـرق افـرنـجـي مضـاريـبـه الـــراس=
ومصـلـبـخ جـبـتـه عـسـانـي ذخـيــره

مـن صنـع نصرانـي مشـروبـه الـكـأس=
يـذكــر ورى جـــاوه بـعـيــد مـسـيــره

أبغيـه للـي حاديـنـك عـلـى الـسـاس=
أهـــل النـمـايـم والحـكـايـا الـكـثـيـره

ربــع نــووا فـيـك الـــردا والتـخـسـاس=
مهبـول يـا اللـي قـال غايـب عشـيـره

عـلـي ديــن لــودع الـجـمـع يـنـحـاس=
لـيـن العشـيـر يـقـوم يلـعـن عشـيـره

ان ما سكنـا الـدار مـن غيـر هوجـاس=
والا نــعــاف الــــدار ونـــــدور غــيـــره

كـلـه لعيـنـا كلـمـة قـلـت يــا دبـــاس=
تشـكـي وانــا دونـــي بـحــور غـزيــره

خذلـك يميـن الشـرع قطـاع الأنفـاس=
انـــه فـــلا جـتـنــي عــلــوم بـصـيــره

لا ذكرجـانـي مـنــك حـبــر بـقـرطـاس=
أيـضــا ولا جـتـنــي عــلــوم سـفـيــره

وان كان تشكي الضيق يا بوي لاباس=
جــاك الـفـرج يــا بــوي هــو والبـريـره

يـا بــوي أنــا مـارحـت لكيـفـة الــرأس=
مــع ذا ولانــي فــي سـفـاه او غـيـره

يا مسندي يا بوي شوف اوكد النـاس=
ثم انشده قل ويش هـو فـي مسيـره

ان كـان مــا يـفـرح صديـقـك بنـومـاس=
تـحـرم عليـنـا الـلـي نـهـوده صـغـيـره

مـدلـول مجـهـول زهــا زيــن الألـبـاس=
بنـت الـذي يثنـي ليـا جــت كسـيـره

طـــار يـقــول اظـهــر وطـــار بـجــلاس=
قمـت أشــرب التنـبـاك واثــره نكـيـره

أبغي عسى الله يبرد القلـب يـا نـاس=
مـن لا هـب شـبـت بقلـبـي سعـيـره

و الا فـانــا يـابــوي قـطــاع الأرمـــاس=
أصبر علـى الشـده لـو هـي عسيـره

ومن كان لـه غايـب فـلا يقطـع اليـاس=
ان قـــدر الله جـــاب عـلـمـه بـشـيـره