بيع الهقاوي ( نص جديد )
أنا على راس الجبل والجبل قاع = مهما أرتفع راس الجبل وآصلينه طبعي وأعّرفه يعتلي كل مطلاع = نعم الرفيق اليا بغاني عوينه المدح عيب وفي بحر يمي شراع = الصدق صدق وظلمة النفس شينه صدري وسيع ومن دخل فيه ماضاع = والناس بياع الحكي خابرينه بالطيب مُطوّعٍ .. ولاني بمطياع = بالغصب والله مارضيت الغبينه مد الجزيله موّدعه جدي أوداع = لابوي وأبوي أودعه لي بحينه غنج اِلبنّي ماله بملقاي مرباع = ولاهمني أكسب سُعاد وُبثينه الله من قلبٍ له سنين ملتاع = منجيه ربي من رضا وآلدينه ماني قزازه ينكسر لوحه بساع = ولا أنكسر لو حلمهم كاسرينه ماهي غريبه من كلام الردى شاع = وأنا نقيضه والحقايق ثمينه من لا يفّرق بين حامض ونعناع = ماهو مّفرق بين مثلي وبينه ذيب الاوادم يعرف الذيب لا جاع = وطيب الرجل يُعرف بمدة يمينه في هالزمن بعض الرجاجيل مرياع = أقصى طموحه كيف يلقى خدينه الله ولا شوفة ذليلٍ ومنصاع = اليا لمس أدنى ظروفه تهينه كم من رُجل نفسه ضعيفه وبياع = نفسه على بيع الهقاوي رهينه ياما هقيت بصاحب وطيبه أنواع = يفوق هقواتي بأصله ودينه وعكسه لقيت بموقف الضيق مرتاع = يالله على شيل الخفيفه تعينه ماهو على حمل الثقيلات بتاع = صميدعٍ بالضيق يضحك جبينه وأنا على راس الجبل والجبل قاع = اليا أرتفع عاداتنا وآصلينه . . . . |
من لا يفّرق بين حامـض ونعنـاع ماهو مّفـرق بيـن مثلـي وبينـه ذيب الاوادم يعرف الذيب لا جـاع وطيب الرجل يُعرف بمـدة يمينـه . وللصمت لغة يستبيحها عندما يصعب التعبير مساؤك إبداع يالرويلي , الله ولا شوفـة ذليـلٍ ومنـصـاع اليا لمـس أدنـى ظروفـه تهينـه كم من رُجل نفسه ضعيفه وبيـاع نفسه على بيع الهقـاوي رهينـه . شامخه بشموخك صح الله السااااانك ياجزززل |
الغالي
الشاعر منصور الرويلي الله انه يسعدك ويوفقك بجميع الاوقات بكل خير اسعدني كثيرا ان اكون ثاني المصافحين لهذه القصيده الاجمل من جميله والاروع من رائعه كفو يا ابو نايف وصح لسانك وعلا شانك مليون تقبل تحياتي |
=
= = = = = = = = = = = =
الله ياذيك الليالي والايام = كانت لعشاق الهوى العذب راحه صحيح فيها نقص في فهم الاسلام = لكن بها عفه وصدق وسماحه كان الزمن يحيي بنا وصل الارحام = وصدورنا كانت للايمان ساحه كنا نطوف الارض حافين الاقدام = ومن طيبنا نزرع للاجيال واحه كنا بشر . تفكير . وأرواح . وأجسام= من قبل عصر العولمه وانفتاحه واليوم من رحلة (يمنا) الى (الشام)= تضيق بعيون الكريم المساحه أول نهايات العرب موت صدام = بأول نهار العيد تنزف أجراحه صارت مراجلنا تصاريح وأعلام = وريال يُدفِع لغنيات بوقاحه أيامنا تغرّيب .. وأحلامنا أيتام = وأرواحنا لابشع جريمه متاحه من يوم صار السيف بيدين الاقزام = صرنا نشوف الماء ونشرب ضحاحه صاروا لنا حكام من دون حكام = وضاعت عقولٍ في مداها رجاحه اللي بنا بالهند والسند والشام = وبـ .. سويسرا سوى مناطق سياحه وبالقاهره أعاد تشيّد الاهرام = وتحت البحر سوى ملاعب سباحه وحنا نصيح وكل ماحولنا أصنام = يالله دخيلك مات صوت الصراحه اليوم ملينا مواعيد الاوهام = ماعاد باقي بالصدور أنشراحه قولوا معي مادام هالواقع ألزام ؟ = يسعد مساء الظالم ويسعد صباحه . . |
صدري وسيع ومن دخل فيه ماضاع = والناس بياع الحكي خابرينه مـــــد الجزيله موّدعه جدي أوداع = لابوي وأبوي أودعه لي بحينه |
منصور الرويلي
قصيده جزله ومعانيها رائعه استمتعت فيها صح لسانك |
الساعة الآن 05:03AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية