تحريتك وأنا من سِهر عيني واعـي ٍ غافـي=معذبني بـرودك مادريـت إنـي تحريتـك
خذتني غفلة ستارالظـلام ليـا غـدا ظافـي=لمحتك بأطرف أحلامي تبي تبعـد وناديتـك
هلا يا ساحر ٍ مابـي هـلا والهـم بخلافـي=قبال وكل ماتقبل ضحك عمـري وحييتـك
هلا وإن ما قويت أحكي حكى جرحي وميقافي=أنا من فرحتـي قمـت لفناجيلـي وقهويتـك
وفي بس إلتفت يميّ ولهتك والزمـن جافـي=عشقتك حلم يكبر في زمان الموت وأغليتـك
وفي في ذمّتي شفني ضياعي قلبـي الصافـي=أراهِـنـك الوفاء شفني مزعلني ورضّيتـك
إذاطوّلت عن عيني لقيتـك تحـرق شفافـي=أحسّ بنار صدك لا دلهت وجيت وأطريتـك
تمنّيتك00ومن يـدري ألا يـا حظـي الهافـي=انا لـو انـي أدري ماتبينـي مـا تمنيتـك
كفايَـتـْـك الرحيل أدمت جروحـي يالله الكافـي=حرام البعد زرني بالغـلا ترنـي تباطيتـك
أهوجس في غيابك ساري البيداء وأنا حافـي=نزف دم القدم شوق لوصالك وأثري أغديتـك
عنيد إستعبد الصحراء جنوني والمطرسافـي=فقدتك من عرفتـك بالهـوى مايـوم دليتـك
كسرت فغيبتك سيفي وبـارودي ومجدافـي=ورميتك بالحنين وكل ضني إنـي أخطيتـك
و أعوّد عايفٍ نفسي هجيرك لاعن أسلافـي=على بيتك أمر و ألعن مروري من على بيتك
ليامن طحت شلتك وإن حملتك تنهش أكتافـي=ألا ياليت ما أعرفك ولا شفتـك ولا جيتـك
تودد حطلي رمش العيون غطـاي ولحافـي=أنا مليت من كذبـي عليـك بقـول مليتـك
دخيلك ظفني تكفى أخاف إن تبـرد أطرافـي=خبل وأغليـك حبيتـك وحبيتـك وحبيتـك