"دمــوع الــقـلــب"
بسم الله الرحمن الرحيم السلام عليكم ورحمة الله وبركاته أعتذر عن غيابي ودخولي المتقطع بسبب انشغالي وكما عودتكم على موافاتكم بكل جديد يسعدني ويشرفني ان اقدم لكم هذا النص الجديد بعنوان ( دموع القلب ) وترقبوا النصوص القادمه أيها الأحبه وغايتي اعجابكم ورضاكم.. دخيلك يامنى قلبي حرام أن دمعك تهله=حرام الدمع في خدك وخدك صار منديله قهر لا شفت أنا دمعك يهل ومقدر أشله=لو أن الموت ياخذني!!بس أني أقدر أزيله ترا لامن نزل دمعك أحس الروح مختله=ترا دمعك علي غالي دخيلك مامعي حيله تحسب أني أنا مبكي تراني أخفي العله=أنا أبكي وسط قلبي وعيني مابكت ليله دموع القلب أجمعها وأشيل الدمع وأزله=أكرر دمعي بقلبي أخاف الناس توحيله ترا بكي القلوب أصعب عسى مايوم توصله=يشيب الراس بأسبابه كثير الهم يبغيله أحبك وأعشقك وحدك عليك الروح مفتله=وحبك ساكنن قلبي وأنا ما أرضى بتبديله لو ان الوقت في قلبي يحد السيف ويسله=ترا حبك معي ثابت مكانه صعب تعديله يفوح القلب في بعدك كما فوح أصفر الدله=يسج بعالمن ثاني ولا أدري ويش أسويله ولا غير الصبر عندي وهمي بآكله كله=أبصبر وأكتم الونه ودمع القلب في سيله أمانه كفكف دموعك وجفنك مبتسم خله=عسانا نجتمع يالله عسى ياصاحبي الليله والسلامه للجميع تقبلوا تحياتي،، |
الغالي الشاعر بدر العجالين اسعدك الله بجميع اوقاتك ووفقك اسعدني ان اكون اول المصافحين لقصيدتك الشامخه بمحتواها وسبكها ومعانيها فانت شاعر ومتمكن ورائع وصح لسانك وعلا شانك يالغالي وتقبل تحياتي |
شاعرنا القدير بدر بن صقر صح السانك وسلم بنامك دمت ودام حضورك الشامخ تفبل مروري ولك مني اجل تحية |
اقتباس:
أخوي الغالي ( سفير المعاني ) صح الله بدنك وفعلا تشرفني انت تكون اول من يصافحها:thumb:.. مشكور ولاهنت على المرور الكريم.. وتقبل تحياتي،، |
اقتباس:
أخوي الغالي ( يفوق الوصف ) صح الله بدنك والله يسلمك والشرف لي ان تكون ثاني مصافحه:d.. مشكور ولاهنت على المرور الكريم.. وتقبل تحياتي،، |
أخوي بدر صح لسانك مدد بلا عدد حروف ثملت الإحساس فكتبت الإبداع بإنتظار جديدك العذب تحياتي لك أخوي |
تحسب أني أنا مبكي تراني أخفـي العلـه أنا أبكي وسط قلبي وعيني مابكـت ليلـه دموع القلب أجمعها وأشيل الدمـع وأزلـه أكرر دمعي بقلبي أخاف النـاس توحيلـه صح لسانك يابدر .. رائعه من رائع ومبدع رسم الابداع بريشة شاعر |
اقتباس:
الأخت الغاليه ( العنود الشيباني ) صح الله بدنك ومشكوره على الإطراء:d أبشري بكل جديد.. ومشكوره ولاهنتي على المرور الكريم.. تقبلي تحياتي،، |
اقتباس:
أخوي الغالي ( شامان ) صح الله بدنك والروعه كلها في وجودك واشادتك الكريمه:) مشكور ولاهنت على المرور الكريم.. تقبل تحياتي،، |
قصيدة جميلة
صح لسانك |
الساعة الآن 07:17AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية