بدون عنوااااااااااااااان
حبك كما فجر(ن) طرد عتمة الليل=جلاّ ظلامه واستحل بشعاعه جاني إبلا موعد وحلحل بي الحيل=وجيته ابقلب(ن)مابقت به مناعه حبك غزاني واسرج بداخلي خيل=واستسلم احساس الغلأ ابنص ساعه من شفت رمشك شال طرف الهدب شيل=الله وكيلك صرت مثل البضاعه لا تبتسم أوتحسب السالفه قيل=أو هي خيال من الفضأ ورتفاعه محبتك شعلة اشموع وقناديل=أحرق بها حرف القصيد وذعاعه ماني ابشاطر با الوصف والتفاصيل=والا طبعتك با القصيده طباعه :e: |
الله الله
زايدالدغماني\ يغيب ويعود كاالمطر صصصصصصصصصصصصح لسانك يازايد\وعاش من شافك طبت يالغالي |
صح بدنك ياسردار والله اني ادري اني مقصر بحضوري ولكن
تعرف ارتباط اخوووك الف شكر لمرورك العطر اجمل تحيه لقلبك |
بعيد عنك القصور(يارع العليا)
|
الله يسلمك ويطول بعمرك
وللمعلوميه ترى فيه بعض وسائل الاعلام كاتبين عنك خبر ولا ادري عنه يقول ان الشاعر سردار مفقود في سيول جده ولكن الحمد لله انك بخير لي شهر وانا اتذكر واقرا ذكرياتك واقول الله يرحمه :d |
اقتباس:
الله الله وش خليت يا ابو فارس صح لسانك يالقرم ولاهنت يعني جات بدون عنوان انا اشهد ان عنوانه موجود يالقرم .. ابداع و شهادتي فيك مجروحه ياراعي الاوله و راعي الاوله ما ينلحق تحيه ريف |
اقتباس:
هلا وغلا ومرحبا ومسهلا ريف والله ان اعتبر اي مشاركه لي ناقصه لحين مرورك عليها صح بدنك ياصديقي العزيز :r: |
الغالي
الشاعر زايد الدغماني والله انه يسعدك ويوفقك بجميع اوقاتك بكل خير وكم اسعدني ان اكون من ضمن المصافحين لهذه القصيده الجميله والرائعه بكل ما تعنيه الكلمه وصح لسانك وعلا شانك مليون ولا يكفون تقبل تحياتي |
(زايد الدغمـاني ) نَـصـ موغــل بالحــب اعجبتي يا زايد صح الله لسانك . |
صح السانك يابو فارس
والوصف ماهو بعسرٍ عليك ابيات في القمة ويسعدني قراءتها مرارا وتكرار شاكرين لك ماتقدمه من ابداع |
الساعة الآن 12:29AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية