شبكة رهب الأدبية-ريما محمد السديري - مختارات للشاعر:محسن الهزاني

السلام عليكم ورحمة الله وبركاته
سلام أحلى مـن تـلال السحايـب .. وألذ من كاس بصافي العسل ذيـب
واحلى من السكر الى عـاد ذايـب ... وأغلى من الفيروز عند الجلاليـب
وأبهى من ازهار الرياض والعشايب ... سلام ترحيب بـرئ عـن العيـب
سـلام سلسـال بالانيـاب نايـب .. .. يفوق فوق متون عالي المكاتيـب
أزكى سلام عد مـا البـدر غايـب ... او غدر الما في محاني المحانيـب

قال في الحكمة :
ابا الله ما يبقى من الخلق واحـد ...وكل نعيم ما سوى الخلـد نافـد
لكل امرئ فيها مقـام وينقضـي ...وكل عمل مـا هـو بالله فاسـد
فلا تبتغي من غير مولاك مطلـب .. فلا عنك يوم يمنع الرزق حاسـد
ولياك تلجي في حجى جال مبغض .. ولا تتصل بحبال مـن لايساعـد
ولا تامن الدنيـا وايـاك مكرهـا ...فكم ضيعت بالغدر من راي واحد
والى امنت اهلها مع الامن جاتهم .. بغارات بين مالهـا مـن يطـارد

كتبت قصيدة تحمل في جعبتها الحكم والامثال ..

كتبت ناصحا ..

لا تبـدي اسـرارك لغيـرك فلربـمـا ... يلومك من لا فيـه مـا فيـك رامـع
ولا عـز الا فـي لقـا كـل متعـب .... بسمر القنـا والمرهفـات القواطـع
دع الناس من لا يبتـدي منـك رقـة ... ومالنـاس الا مـن حسـودٍ وشانـع
واحذرك عن درب الردى لا تبي الردى .. فتصبح طريـح بيـن واشٍ وشافـع
تشمت عليك عداك في كـل مجلـس .... وكن عاقلٍ واتـرك كثيـر المطامـع
فكم واحدٍ يمدحك فـي حـدّ حضـره ... وهو ربما في عرضك وان غبت راتع
يرميـك بالبهتـان والـزور واحـد .... من العقل جيعان من الجهـل شابـع

قال في الغزل :

من ناظري دمعي على الخد مسكـوب .. ومن الحوداث شاب راسي وانا شـاب
لا لـذ لـي زاد ولا حلـو مشـروب ...... ولا لموق العين طيـب الكـرى طـاب
لا شك ما يجري على العبـد مكتـوب ... طول الزمان وكل شـي لـه اسبـاب
وانا سبب قتلي ضحى شفت رعبـوب. يضحك ويومي لي وهو من ورى الباب
من قبل شوفي له وانا كان ابا تـوب .... ومتركٍ عنـي هـوى تلـع الارقـاب
هايف حشا عنقه كما الشاخ مسلـوب .... والـردف عـزَال لوسطـه وجـذَاب

وقال

يا بكرتيـن ناطحنـي ضوايـع .... عفر سهاويـات جـدع قرايـع
اطلع عليهن يوم فقدن ساعـه .... زوليتيـن ومهرتيـن وطلايـع
عانقتهن وقلت ما بالحكي بـاس .. يوم التفت الى ان الاثنين جلاس
قالوا نسالك بالذي يرزق الناس .. وش ذا البكار وقلت ذولي ودايع
قالوا كذوب من يودعك ذينـي .... ما تنتودع جنس ذا البكرتينـي
والله يا من شدهن بـلا يدينـي ... ما أدهن الا اللي له بالعقل ضايع

وقال متوجدا..

يـا زيــن قلوبـنـا صافيـاتـي .... ما طعت عذال ولا ارخصت بك سوم
وارخصت من غالي حياتي مماتـي ... وادعيتني لا اكل ولا شرب ولا نوم
عـن الوشـاة احوالنـا مبهماتـي .... يا بو دليق كنـه اطـراف حمـوم
رميت باسباب الهـوى الموجباتـي .. قلبي رمى الله نجلك السود بسهوم
وبك اتهموني بظنهم يـا شفاتـي .... يا ظبي حور سالمٍ منـك مسلـوم
قلت اسقني مـن ذبـل مرهفاتـي .... عسى طيور القلب تركد عن الحوم

وقال مناجيا ربه داعيا بالغيث

دع لذيذ الكرى وانتبه ثم صـل .. واستقم في الدجى وابتهل ثم قل
يا مجيب الدعا يا عظيم الجـلال .... يا لطيف بنـا دايـم لـم يـزل
واحـدٍ ماجـدٍ قابـضٍ باسـط .... حاكمٍ عادلٍ كل مـا شـا فعـل
ظاهـرٍ باطـنٍ حافـظٍ رافـعٍ .... سامعٍ عالمٍ مـا بحكمـه ميـل
اولٍ اخـرٍ ليـس لـه منتهـى .... جلّ ما له شريكٍ ولا لـه مثـل
بعد لطفك بنـا يالله افعـل بنـا ... كل ما انت له يا إلاهـي اهـل

وقال محاورا
قالت عجوز لي من البيـن غشيـه .... يا ولد بـدل مشيتـك ذي بمشيـة
قلت اننـي يـا ذي ادور لحشيـة .... قالت ابكارٍ قلت أصاعيـب قعـدان
واوحيت رمي الحكي منها وقفيـت ... من خوفتي عجز الخطا يوم قفيـت
قالت لعودٍ جالس من ورى البيـت ... يا عود من ذا قال ذا ولـد عثمـان
قالت عجوز شينه الوجه والشيـب .. مشى الفتى جوف الظعن عندنا عيب
قلت اخشى الله عالم السر والغيـب ... واومت وقالت لي وانا عاد زعـلان
قالت متاك مضيعٍ قلت قبـل امـس .... قالت شريقٍ قلت لاوقفت الشمـس
واسترمعت ملعونة الشيب بالخمس .... وقالـت لشيبـانٍ حذاهـا وشبّـان

وأيضا

مريت بخشيفات ريـم يخوضـون .... سيل وللقلـب المشقـى يريفـون
من حين شافنـي رهـاف الثنايـا .... قامن لي باطراف الاردان يومـون
رديت راسي عقب مانـي معيّـي .... قالن دعونا له الـى جـا نحيّـي
قالن حيّـه قلـت حـي المحيّـي .... قالن علامك تلتفت قلت مشطـون
قالـن ترانـا ثبـت الله مقـامـك .... ننذر على شوفك ونفـرح بلامـك
واليوم يا عذب السجايـا علامـك ... مسمور في ذا الدار انا قلت مفتون
قالن نسالك بالذي شـرف البيـت .. وبجاه من له في دجى الليل صليت
من به بليت من الملا قلت بقويـت .... قالن بليت بحبهـا قلـت مجنـون

وقال مخترا شاعرا ومدى شاعريته:
يا شين ما عينّت لي داعج العيـن .... قلبي عليها بالهـوى زاد طنيـه
الى ضحك في مبسمه طقني بيـن ... لجت صناديق الحشا واقرشنيـه
ساره وزعبيه ونصره غدت وين .... خواتم باصبـاع سـاره زهينـه
ساره حلاهن مير نصره حلا العين ... وسطه الخاتم على ضو ضحينـه
وان كان عندك وحده عندنا الفين .... حتى الرخيصه ما نبيعـه برنيـه

كان رد عبد رنيه ... على قصيدة محسن الهزاني
يا راكب من فوق سمح الذراعيـن .... فوقـه غـلام لا ندبتـه شفنـيـا
يطوي مسير العشر في ظرف يومين .. واليوم الاخـر بالحريـق امرحنيـا
يلفي الهزازنـه القـروم المسميـن .. من سمعني في مدحهم مـا كذبنيـا
ذباحـة الحيـل ريـف المقلـيـن .... ما كولهم يركد علـى الكبـد هنيـا
مجلاسهم فيه الشرف والنبا الزيـن .... لـولاه قـال كليـمـه وازعلنيــا

قال في الوداع:
انا الذي من حـر فرقـاك فريـت ... وأنوح كالبهلول في وسط الاسواق
يا ما طلبت الله ويـا مـا تمنيـت .... ويا ما دعيته عند حزات الاشراق
ويا ما دعيته في المساجد وصليت ... وياما شحذت الله قسّـام الـرزاق
يبني لحالي من جنان العلي بيـت ... ومن الثمر نقطف ثمر كل مـا لاق
عسى الى رق البكـا واستمريـت ... بمنقشات الريش زينات الاطـواق
واستانست روحي لروحه ودشيّت .. سوقه ووافق مرتي حين مـا واق

قال مخاطبا قبر زوجته:
يا قبر ما تنباج ننظر بالاعيـان .... صفوة هل الدنيا بحسن ونظري
يا قبر هذا يشبة لحور الاعيـان .... غروٍ نزل يحكم به الموت سكري
يا قبر هذا سيد غضات الابـدان .... هايف ومهضوم لوسط وخصري
يا قبر هذا نور عيني بالاوطـان .... قرة عيوني بين بدو وحضـري
يا قبر هذا مدة شهور وأزمـان .... عليه دمع العين بالليـل نثـري

ويستمر... ؟
يا موت ما تاخذ عن الشوق الاثمان .... احكم بكل شي وانا منـك باشـري
اعطيك بغداد مـع ملـك سبهـان .... خزاين الشامين مع ملك مصـري
وبنادر الشاهات والهنـد وعمـان .... والبصره الفيحا مع ملـك هجـري
مع كل ما يجنون حضر وبـدوان .... اسوقهم باللي كمـا خـط عفـري

قال في التوبة قصيدة المعروفة بالتوبة ‘و توبة الهزاني
إترك الغيّ وامسك بكف الهـدى .... العرى التي مـا ابـد تنفصـم
كلمـا ناظـر لبيـب الـكـرى .... ارم ثوب الكسل والتأنـي وقـم
والبس اردان جلاليـب الدجـا .... واتزر بالمسا وارتهب واستقـم
ثم صلّ اربع باربـع يـا فتـى .... ثم من بعدهـا بالوتـر أختتـم
ثم بعد الفراغ إسالـه ذاك مـن .... أوجد السبع والسبع بعد العـدم
جامع الناس في يوم لا ريب فيه .... جابر العظم من بعد ما ينقصـم
ذو جلال يرى ما يلـج بالثـرى .... واحترك في غسق ذي ثلاث ظلم

أتمنى أن تنال رضاكــم