رميت الحظ في بحر الاماني=قليل الحظ ما يلقى مراده
فلا غصن العنب قد كان داني=ولا صدر المسا فوقه وساده
ولا .. بير العزب حتى سقاني=ولا رمش الغزال في سحر غاده
حرثت الحزن من قاصي لداني=وبعد العام يسالني حصاده
انا ما اخترت تاريخه زماني=ولا انا جيت متاخر معاده
تمنيت لو اجي في وقت ثاني=اجي والناس تسهر بالعباده
ولو ارجع بقول ارجع يماني=وحبي للوطن اكثر زياده
انا والشعر وابكار المعاني=قصايد جرح ما نخلف لعاده
جروح(ن) وحيها هاجس وجاني=وانا في اهل الكرم زايد وفاده
وشيخات الخجل زينة مكاني=وعود النار ما قارب رماده
فكم معروف في اهله شراني=جميل الناس في عنقي قلاده
وكم صاحب بغير اسمي نداني=وانكر للوفا باقي وداده
اصيل الناس كم امسى يعاني=شكى الغربه وهو داخل بلاده
تلعثمّ يالفصيح دامه لساني=تلكأ في ضروس الفم ضاده
الا .. يا منزل السبع المثاني=سواك يارب من لاطف عباده
سوى وجهك فكل الخلق فاني=هنيــّـه من يجيك والخير زاده
الا .. قربك يكفي لو جفاني=جميع الناس في قربك سعاده