النـوخـذه
موج البحر مُثِّر على البحاره = والسِّيف دونه كارثه ومطمه خلى النواخذ واقفه محتاره = والكل منهم غارقاً في همه ماعاد تنفع لعبة الشطاره = والنوخذه لازم يعود لمّه اللؤلؤ والمرجان والمحاره = ماكل من يسبح يجي ويخمه من دونه امواج البحر جباره = لجه خطر سودا ومدلهمه من طبها راح العمر خساره = يبكي ندم والدمع بلل كمه والي نجى منها يدور داره = يركض مهستر فاتحاً لك فمه يالله دخيلك من خطا الغداره = مثل البحر يغدر بذيك اليمه مادامت الدنيا وهي دواره = يومين بالقاعه ويوم القمه نصيحتي للي يبي التجاره = يرعى زبونه مثل ابوه وعمه وسـلامة قلوبكـم الطاهـره |
الغالي
الشاعر سالم محسن الفهمي الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده ذات المعنى والهدف وبها حكمه وتجربه من شاعر متمكن ومبدع وصح لسانك وعلا شانك ولاهنت وتقبل تحياتي |
اقتباس:
هلا وغلا بالغالي حجز فاخر ننتظر عودتك بفارغ الصبر |
سالم محسن الفهمي
تسلم ولا يسلم ردي العزايم شاعر رائع وقصيده معتبره من كل الجوانب الفنيه ومطلعها رهيييييييييييييييييييييييييييب ارتويت شعر وقرأت فكر تقبل تقديري ومروري |
الشاعر/ سالم محسن الفهمي صح لسانك يالجزل ابداع حد الذهول دمت على هذا التميز وننتضر بكل شوق القادم من روائع اقلامك تحيتي لك |
سالم محسن الفهمي
صح لسانك نص اكثر من رائع مودتي |
اقتباس:
الحبيب " سفير المعاني الله يسعد قلبك ويسدد على الحق خُطاك يالغالي اثلجت صدري بمرورك الراقي ودعائك الطيب الله يتقبل منك ذلك ولك مثله صح بدنك والله لايهينك على هذا المرور العذب اجمل التحايا |
صح بوحك أخوي الشاعر/ سالم الفهمي قصيده ناضجه .. تستحق ان نقرأها أكثر من مره |
اللولؤ والمرجان والمحاره _ماكل من يسبح يجي ويخمه
وعزالله انك سبحت وغصت بحور الشعر وجلبت لنا هذه اللؤلؤه نصيحتي للي يبي التجاره _ يرعى زبونه مثل ابوه وعمه ياسلام على هذه النصيحه البعيدة النظر صح بوحك يالفهمي ولاهنت تحياتي,, |
سالم اسعد الله صباحك هنا للفكر عمق ...وللمفرده جزاله ..وللمعاني عذوبه ...ول الشاعريه عطر ... نص صوره دانات ... وابياته عقد من اللؤلو ... طواشه ماهر ..خبير بمكامن الدر سالم انت هنا غير ..على وزن ..جده غير ابحرت عكس اتجاه الريح ..بخبرة نوخذه ..جذبته ..فنارات ألأبداع ...ليوصلنا ..الى شوطي المتعه. لهذا النص منهجيه ..ومدرسه ..تختلف عن بقية نصوصك ... هنا دلة شعر ..بهرت بهيل فكر ..وطعمت بزعفران حكمه ...تقهويت منها المتعه ..وتذوقت بها رطب ألأبداع سالم تحياتي ..وتقديري ..ودمت بخير |
الساعة الآن 02:33PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية