|
سـبـع الكـواكـب ( قـصـيـده جـديـده )
دار فكري واعتلى سرج الاصيله = مهرتن تليت بيديني رسنها لاصهلت بالمعركه بنت الكحيله = من صهيل الخيل معروفً لحنها مهرتي لادكت الميدان خيله = دشت الجمع الغفير ولا شحنها مهرتي تشريفها مارضى بديله = مالها الا الفارس اللي ذاد عنها فارسً لامن قبس نار الفتيله = مااحترى عفو الصدور ولا هدنها له حضور وله مقام وله قبيله = والمراجل من صغر سنه ضمنها لارتكى للمعضله لوهي ثقيله = شالها والمتن مايهتز منها الجزيله بالمواقف تستويله =ياصدورً طيبه الفايت غبنها عاش من عينه على راس الطويله = والرديه لاسقى ربي وطنها شمت عنها يوم عشاق الهزيله = بالهزيله طشها ابليس وفتنها ماحسبت حساب يالرؤس الذليله = والاخوه دم وجهي ماطعنها مايخون الزاد من نفسه نبيله = والجذور الفاسده يظهر عفنها ليه نشره والردى اصلاً فصيله = عرقها ضخ الردى دم ورهنها الردي يبقى ردي مافيه حيله = وكل نفسً مالها غير امعدنها ان وقفت اخيل براق المخيله = امطرت لي والذخيره بمخزنها وان جلست أروم حد المستحيله = ونظرتي سبع الكواكب تحتظنها عاش راسي للتسامح والفضيله = وابتعد عن زمرة الغدر ووثنها بالامانه عيت النفس الاصيله = واحتميها لو غدى روحي ثمنها اجمعو خيل الاماني كل ليله = والكرامه لحفوها في كفنها ماجمعكم طيب .. تجمعكم فشيله = ياوجيهٍ دمها البارد دفنها مايبرر غاية النذل الوسيله = خانه المبدى لو الكلمه وزنها وان بغيتوا زبدة الهرج ودليله = مهرة الخيال بيديني رسنها |
اقتباس:
قصيده مليانه ومتخمه مراجل وطيب ماستطعت انسخ بيت كلها جزله ولم ارتوي منها الى الان لي عوده حول هذه الاعجوبه التي بالطبع لم تاتي مفاهيمها ومعانيها الا من شخص رضع المرجله حتى شب عليها |
. . . صح لسانك اخ منصور. كعادتك دوماً شاعر تستطيع كتابة ما يعتمل في صدورنا .. لله درك. ابدعت . تقبل مروري. . . . |
قصيده جداً رائعة وراقية وتحمل كل معاني الشموخ والهيبة صح لسانك شاعرنا المبدع منصور لك مني فائق التقدير ودمت بالخير \ / \ العطــــــــــــاويه |
عزيزي منصور الرويلي
اقف احتراما لك ولحضورك الشاامخ التي جعلت قلمك ينثر الحروف كالدرر أم أقف على روعة كلماتك ورقي وصفك وكبرياائه وبديع احساسك العالي وشموخ حرفك وسطوعه أشكرك على ما أمتعت أعيننا به ولأنك صحبتنا معك مع كل وصف من أوصافك ..نتبعك ونرسم في خيالنا كلماتك ...ونبضهاا التي جسدت بهااعتداادك بنفسك وهذه الثقه الراائعه الصاادره من شخص مثلك وفي عظمتك وشموخك الراائعين ... أتقنت صيااغة القصيده بكل برااعه دمت بكل الخير وتقبل مروري البسيط إمـــرأه حــــره |
الوافي عبدالله بن عريمة ماعليك زود يانسل الرجاجيل الاحرار دام عزك ودمت كما انت شامخاً يالغالي |
|
غالب الذيابي
الشعر والجمال اشراقة حضورك دمت كما انت نقياً |
لله درك . . |
العطاويه والله اني سُعدت وتشرفت بهذا المرور النور شكرا بحجم السماء ولا عدمتك |
| الساعة الآن 05:33PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية