غيابـك سبّـب أوجاعـي وأنـا مـن غيبتـك يعقـوب=رفيقـي حـزن والظلمـى وانـا واقـف عـلـى بـابـي
وحلم أيتام كنت أحلم أحـط الطـوب فـوق الطـوب=بنيـت ولا سكنـت إلا بشـقـاي وحـرقـة أعصـابـي
ألم من غيبتـك يكـوي ودمـعْ / الجفـن منـهْ يـذوب=أنـا مـن فـقـدك أخـشـى أفـقـد دمـوعـي بمحـرابـي
جسـد ذاوي بقـى عقـبـك ينـاشـد هالهـمـوم اتــوْب=عــذاب أعيـشـه بـإنـذار الوعـيـد أعـضـه بـنـابـي
آلااا يـا حـظـي العـاثـر آلااا يــا حـبـي المنـكـوب=قوافل حلمي تلاشت و ضاعـت مـن يـدّ ركابـي
أبدفع من ضرايب غلطتي / صار الغلط محسوب=كأنـي قـد جمعـت ذنـوب خلـق الله علـى حسـابـي
أتمتم داخلي وأسـأل مـن الجانـي مـن المضـروب=ألاقـي حكـم يدفعنـي علـى قـبـري مــن إضـرابـي
أنادي ياجبل مكه على أسمـك صـار لـي محبـوب=وهــو يــدري بـأنّـه بـاقـي أول و آخــر أحـبـابـي
هــلاك أشـبـه بعثـراتـي يورثـنـي آســى مكـتـوب=أحـاول ألعـن أفكـاري و آلاقــي قبـالـي (كتـابـي)
ياحـب ٍ داخلـي يبـقـى أمــوت وبـاقـي ٍ منـصـوب=كذا كنا.. كذا بنعيـش .. و يبقـى حبنـا (اعرابـي)
على متني حِملْ زله وأنا وإللـي خلـق (يَعْسُـوب)=بـأن الـروح لآ قفـت .... بعـدهـا أتـوسـد تـرابـي
مـن إحساسـي أبرسـم داخلـي حلـم ٍ لنـا مسـلـوب=أظن أجمـل مـن سنينـي و أيامـي معـى أصحابـي
آنا أدري لو تقـول (الصبـر مايذكـر لغيـر أيـوب)=أنـا صبـري نفـذ و الحـب فـي قلبـي لهـا (رآبـي)
آلا يـا بيـر حظـي جيتلـك ظامـي وانـا مشـحـوب=عسانـي فيـك ألقـى مـايـرد الـشـوف لـ.. أهـدابـي
أنـا شوفـي يعـود و ينجلـي حـزنـي بـشّـم الـثـوب=ابي طِيبـه عـلاج الشـوف يخفـف لوعـة مصابـي
إذا شمسك خـذت حلمـي معاهـا وأختفـوا بغـروب=باهلّـي بموتـي إللـي واقـف انتـظـره عـلـى بـابـي