شبكة رهب الأدبية-ريما محمد السديري - الحب من طرف واحد فاشلن دوره

السلام عليكم ورحمة الله وبركاته

حبيت اهدي هذي القصيده للجميع وشكرا

حسبي الله على من جابلي الصوره عرض لي الصوره اللي تشبه الغالي

تشبه له بلفتته والعنق وشعوره والطول والجسم والاقفى والاقبالي

من اول الوقت ونفسي فيه مجبوره عيا لا يمحي غلاه اول ولا تالي

اقضي الليل في هرجه وتسيوره وكل ماتجي ذكرياته ضيقت بالي

واليوم من بيننا الجيات مقصوره حتى ولا شوفته عيت تهيالي

حلفت ما تاصله رجلي ولا ازوره ليما يغير من اطباعه ويصفالي

وش لي بها عشرتن صعبه ومحذوره ولا ينرجى الغيث كود ببرق وخيالي

الحب من طرف واحد فاشلن دوره تراه مثل المصوت في خلا الخالي