سيرة عن الشاعره عابرة سبيل رحمها الله
السلاام عليكم ورحمة الله وبركاته .. اليوم سوف أتحدث عن شاعره اعتنقت مجال الشعر دون تدنيس لأخلاقها .. فكيف لا وهي الشاعره عابرة سبيل : وهي التي تقول في قصيدتها المشهوره : شريت لي ثوبٍ علي شان لقياك والثوب راحت موضته مالبسته وشريت عطرٍ ما زهاني بليـاك أربع سنين بعلبتـه مالمستـه وكذلك تقول في ابيات من قصيدتها : ليه سموا صبي العين نون؟!! لن نونك يعيـش iiبنونهـا آه يانون..يانـور iiالعيـون يابعـد نونهـا iiوعيونهـا ومن قصيدتها ايضاا : لا ..لا تقارن حب امك بحبي اخاف من عينك تطيح الامومه ومن قصائدها الفكاهيه : ياناس..وين اسبنش باباي باعطيه خل ٍ نقـل iiهمـي حتى يصارع جميع iiاعداي واول مايذبح ولد iiعمي..!! وبهذا سووف ندخل الى تفاصيل هذه الشااعره وقصائدهاا الراقيه والفكاهيه واستمتعوا معي بقراءة قصائدها للنهاايه : وهذه نبذه بسيطه عنها عابرة سبيل (( رحمها الله )) .. شاعره كويتيه ... شاعره هزت الساحه الشعريه بقصائده التي تركت بصمه واضحه في الساحه الشعريه .. لن ولن ولن ولن يمحيهاااا الزمااااان كلماتهاا العذبه ... قصائدهااا ارهبت الكثير من الشعراء والشاعرات وكبار النقاد وكبار الكتاب .. حتى تناقل الكثير من الناس قصائدهااااا وحفظهااا ..لامست قلوب الكثيـر من الناس بقصائدهااا حتى احبهاا الجميع كباراً وصغاراً ... (المنا ) فقد هذه الشاعره الجميله عابره سبيل رحمها الله ولانملك سوي حروفنا لنبكيها هنا لن نضيف لها شي ... ولن نقول اجمل مما قالت شاعره بالفطره لها من طفولتها الكثير من العفويه والمرح والشيطنه ...... فقد جمعت الحب والصدق والبساطه والعذوبه في قصائدها كلها .. لم تتصنع ماتكتبه ابدا فقد قالت (( انا لااعصر الجرح لتفرحوا بنزفه فهذا عذاب اخر ، بل تعصرني الجراح وتولد القصائد )) ولانها صادقه حد الشقاوة كانت لعفويتها النصيب الاكبر من الحب والاعجاب بخفه روحها (رحمها الله ) هذه الرائعه لم تكن في يوم من الايام حريصه على الشهره والتواجد الاعلامي الطاغي الذي نجده من من لايملكون شيئا بل انها لم تجري لقاء صحفيا طوال حياتها ولم تقوم بإحياء امسيات شعريه مع زميلاتها الشاعرات اطلاقاً ولم يكن لها عنوان لدي مطبوعه نعم اسم على مسمى (( عابرة سبيل )) اتت للساحه الشعريه (( عابرة سبيل )) ولكنها تركت الكثير من الغموض المجهول خلف اسمها .. وتركت قصائد تتلألأ مع مرور الزمن فذهب حقيقه كـاعابرةسبيل .. نعم اتت للساحه الشعريه عابرة سبيل ... ولكنها لم تمر مرور الكرام بل بصمة وعبرة لعالمها المجهول ... فكل ماهنالك هو ذلك الديوان اليتيم الذي حفظ لها حقها كشاعره كويتيه تستحق التقدير والاعجاب .. إاليكم بعض قصائد ديوانها الشعري .. مقدمه الديوان : أنا لااعصر الجرح لتتفرحوا بنزفه فهذا عذاب اخر.. بل تعصرني الجراح وتولد القصائد انا لااتصنع ولا اغير في ملامح قصيدتي بعد ولادتها اذا اعلنت القصيده وصولها لااملك لها سوي قلماً صادقاً ينقلها كما هي كما تجول وتتخبط في داخلي لا رتوش ولا مكياج تقبلوا مني صادق احساسي ... وشاركوني مشاعري وشكرا للجميع الاهداء: له وحده " ابو فهد " نبذه عن الديوان : في عام 1418 هـ اصدرت ديوانها الاول وطبع في مطابع الكويت ونفذت نسخه في وقت قصير جداً لكثره الاقبال عليه ويحتوي على 84 قصيده وعدد صفحاته 105 ويحتوي على اربعه فصول - الفصل الاول : ملامح شاعره - الفصل الثاني : كلمات حب - الفصل الثالث : اصداء - الفصل الرابع : ابتسامات شعريه ولم تعبر عن نفسها فقط بل كانت دائما تكتب بالعموم وتحاول ان تكون لسان الجميع .. فمره تكتب عن هم الشاعره مع اهلها ومره عن هم الطالبه مع الشعر واخري عن الالم مع الخادمه وهكذا فقد جمعت عده شخصيات وتحدثت بلسانهن جمعيا .. وعندما تساءلوا من تكون عابره ؟ اجابت انها جميع هذه الاشياء بطاقه شخصيه .. انا عجـوز ومطلقـه وام ورعـان وايضا مدام وبنت وانس وعانـس انا بدويه وعايشه عنـد حضـران وبنت البحر وابوي زارع وغارس اميـه ماتعـرف حـروف والـوان وتلميذه دشـت جميـع المـدارس ظفره وخبله وعاقله فـي نقصـان شرود وانطح لي ثمانيـن فـارس خلون .. اعيش العابره دون عنوان طيفٍ يمـر بـلا رقابـه وحـارس _______ عابره اهلـي يـدرون انـي شاعـره بس مايدرون في جرح الليـال يمنعوني مـن كتابـه خاطـره مادروا اني من زمان بها المجال آه.. لو يدرون انـي "عابـره" عندهم بتصيـر موتتنـا حـلال _________ يادنياي جيت بكتب عن شقا عمري قصيده مير عيا القـول لا ياقـف معـي شاف همـي والمعانـاه الشديـده اكبر من القول وحـروف النعـي هـاك يادنيـاي عمـري ماريـده اضربينـي واقسمينـي واجمعـي اي نعم ماني بها الدنيـا سعيـده من نهار ولادتـي وهمـي معـي عشت محزونه وملتاعه وشريـده وياكبـر شـي تخبيـه أضلعـي مابي بين الناس تبكيـن وحيـده وان هجع طرف البشر ماتهجعـي اما موته حـق او ايـدي بايـده هيه يارحمـه الهـي .. اسرعـي مقـــــــــدار حبك مقدار حبي عالـم فيـه ربـي والا الموازين لغرامي ظلومـه لا ..لا تقارن حب امك بحبـي اخاف من عينك تطيح الامومـه اخشي يقولوا عنك ماهو متربي مابي اشارك في عقوق الرحومه ياغايتي ماعـاد فينـي اعبـي حبك تعدي حدود نفسٍ كتومـه مابيك تسال عن مقادير حبـي بكرة مع الايام تطلـع علومـه حيــــــــــــــرة ..... لا..قال ردي لي ولا.. قال روحي لا .. هو مريحني ولاهوب مرتاح يغيـب ويعـود يفتـق جروحـي واذا استجد الجرح لوح لى وراح واضحك واجامل وادعي بالفروحي وبداخلي نار.. وتجاريح وصيـاح واحاول اخفي جروحـي بروحـي واخيط جرح وتنفتق عده اجـراح وان قربت دمعات عيني تفوحـي الله اكبر ، صار لي قلـب مـزاح &مهره الشوق & جيتك من الفرحه على مهره الشـوق تسبقني الخطوة على الـدرب قـدام جيتك ولا ابالي ولـو يطلـع العـوق جيتك وانا شوقي موزعنـي اقسـام لا..لا تهمك ناس ماتعـرف الـذوق يسرون تال الليـل والصبـح صيـام ياعـم لا منطـق ولا فيـه منطـوق بعها ، ترانـي .. بايعتهـا للاعـدام اخذ الرطب قول النخل يتمر غـذوق خيب رجا اللي يرتجونه مـن العـام واضرب على الكايد ان ماجاب برفوق مليت انا ويـاك مـن عـدم الايـام &صبحيه العيد & ليته درى صبحيه العيد وش صـار ياهي جرت لي من عذابي هوايـل يوم العذارى يبحن بعض الاسـرار وجت السوالف بيـن قيـل وقايـل هذي معايدها قبل وقـت الاسحـار وهذيك صاحبهـا عطاهـا رسايـل وهذي تقول انه لفـا البيـت زوار وهذيك راحت له زيـاره عوايـل وهذي تفاخر في غلا الصاحب البار تقـول عايدهـا بكـل الوسـايـل وانا اطالع فـوق ويميـن ويسـار بالعيد ماحتـي مشطـت الجدايـل &ش اقول له& باكر يجي .. ياشيب عيني من الويل من عقـب ماسافـر سنيـن مديـه ش اقوله .. صاروا عيالي رجاجيل ش اقول له ؟ .. ماني بعهده وفيـه ان قلـت لـه تعـذبـت بالحـيـل وان قلت له اكبـر عيالـي سميـه يبي يعذرني ويترك القـال والقيـل والا يـجـي ويازمـانـي علـيـه وان جبت حظي والمقاديـر تعليـل واني ضعيـف ورغبـه الله قويـه يبي يصـدق كلمتـي دون تحليـل والا يبـي ينسـف كلامـي عليـه ش قوله لـه ؟ ماينفعـن الاقاويـل مادمـت مانـي بعـهـده وفـيـه & آخر مـوعد .& له موعد(ن)لاروّح الليل ويـاي أول وآخر موعـده مـع فتاتـه اليوم ماتنفع دموعـه ورجـواي اليوم تفصل عن حياتـي حياتـه اليـوم يعطينـي بقايـا بقايـاي وأعطيه أنا ماشلت من ذكرياتـه اليوم بابـدّل مشاعـر حنايـاي يصبح من أخواني وأنا من خواته اليوم يتركنـي لحالـي بدنيـاي مجبور يقفـي لويزيـد التفاتـه اليوم يخلف عن مماشيه ممشاي والله ماضمن من عذابـه نجاتـه لو أتعلـق فيـه ماينفـع بكـاي خلاص فات الوقت وأعلن فواتـه اليوم بعطيه العزا عقب فرقـاي عندي خبر وش قيمتي في حياته وانا العزا مابيه من كبر بلـواي ماينفع اللي عاش وأعلن وفاتـه يارحمة الله ساعديهـم بسلـواي يعوضـه الله بانكسـار امنياتـه اليوم ياهمي وياطـول مسـراي ويافرحة العذال وأهـل الشماتـه &&أحــــــــــــــــلام&& ياما على نفسـي بالأحـلام كذّبـت وياما صبـرت وصبرنـا مانفعنـا وياما..وياما مـن وداعـه تعذبـت وياما نحـاول نفتـرق ماستطعنـا كم مرت(ن) ودّع وكم مرت(ن)غبت وكم مرت(ن) عقب الوداع اجتمعنا يامـا توادعنـا وشـرّق وغرّبـت ويوم التفتنا فـي بعضنـا رجعنـا لاقـادره أنسـاه مهمـا تهـربـت ولامعتـرف فـي حبنـا مجتمعنـا &قال اسمعي & انظروا الى الحس الشاعري الراقي !! قال اسمعي..فرقاك غصبـن عليّـه عيا الزمن يمشي معانـا بالأوفـاق وقفـت لاميتـه ولانيـب حـيّـه تضاربت بالجوف ضيقـه وحـراق وقال:الرسايل وينها؟؟..قلـت ذيّـه وللريح عرضت الرسايل والأوراق رزيـت نفسـي واتظاهـر قويّـه يعنـي كأنـي ماتأثـرت بـفـراق أنا عذاب الكـون صـوّت عليّـه أضحك بسني واختم الضحك بشهاق ماكنت أظن الليـل يمسـي عليّـه ولاكنت أظن تعوّد الشمس بأشراق &الـــــــــوداع& قال الوداع ..وقلت لـه بالسلامـه هـذي ظروفـي دايمـا جابراتـي مسحت عبراتـي بكـف الندامـه وتليت من كفـه حوايـف عباتـي قفى يداري عضت(ن )في ابهامـه وقفيت اداري عضت(ن )في شفاتي وكل(ن)رحل يحمل بقايـا غرامـه وراحت حياته يوم راحـت حياتـي فرقاه ضامتنـي وفرقـاي ضامـه وعلى الله الوالي خلـف ذكرياتـي وعقب البطا أرسل عليّـه سلامـه يطلب ويرجينـي يبـي تضحياتـي مقدرأضحـي بالشـرف للملامـه وأمومتـي ترفـض أيتـم بناتـي من ماحصل لقيـاك يـوم القيامـه ماظن تحصـل شوفتـي ياغناتـي &(( العيد باكر )) & قصيدتها المشهووره ..!! العيد باكر أسعـد الله ممسـاك والله مدري وين خـدٍ جلستـه وين انت ياللي عيدنا في محياك كف القدر من ضيقة الخلق بسته من يوم ما لوحت لي كف يمناك لليوم دمعي بالخفا مـا حبستـه ومن يوم ماذوقتني حر فرقـاك والياس زرعه في حياتي غرسته شريت لي ثوبٍ علي شان لقياك والثوب راحت موضته مالبستـه وشريت عطرٍ ما زهاني بليـاك أربع سنيـن بعلبتـه مالمستـه ودفتر قصيدٍ كل يـوم يترجـاك مافيه يومٍ ماسهـرت ودرستـه & الصــــدفه & يازينهااا من صدفه بالابياات الرائعه هذي .. مشيت بالزحمه مع الناس iiبالسـوق ولا ادري من اللي طق كتفي بمسبـاح أدرج النظـرات مـن تحـت لافـوق وشهقت مثل اللي تواجه iiبالأشبـاح غايب ثمان سنين والقلب iiمحـروق أتلى العهـد بـه تـو ماشاربـه لاح واليوم عندي ناحـل بيـن iiعـروق وعوارض على اصفر الوجه iiواجراح والله يا دمـع تحـدر مـن iiالمـوق إنه على الموطى من العين لا iiطـاح يقولون لاتزعل من البعـد iiياشـوق وانا كما اللـي قاضـي مـن جـراح & في مفرق الدربين & قـال الـوداع وقـلـت iiلالاولالا أنا معك في عهد الإخلاص iiمابقت دنق علي وقـال مامـن iiمجـالا وقنعت يوم إني بالأسباب iiحققت وسكت ماعندي نقـاش iiوجـدالا ذقت العذاب اللي له العام iiماذقت سكت ما املك حيلـة iiواحتيـالا إلا ليا منـه بكـى iiحيل..دنقـت ولكن عطا خلـه بقايـا iiحلالـه وفي مفرق الدربين غرب وشرقت ومن الله الوالي طلبـت الدخالـه دخيلة الله كان للبعـد مـا طقـت & عيت النفس & سنيـن ليـه iiبالنوايا..مبـيـت وانا معاك امشي برهن الإشـارة ويوم ان ضربتك القوية iiتهيـت ماخفت ربـك بالفجيعـه تمـارا وشلون أسامح عيت النفس..عيت مازال في جوفي بقايـا iiمـراره نفسي على فرقاك هلت iiوحيـت وقلبي تحطم وانت سبة iiدمـاره واليوم لو قالـوا iiالناس..ميـت يجوز..من قالـه ينـال البشـاره عواذل وانا توني في مسلك الحـب iiمنجـره قالوا عواذل:خلـك لغيـرك iiموالـف وقالوا وحطوا به وانا فيـه iiمنغـره وذولا شهود وذاك عارف وذا iiحالف وقطيت له جملة رسايلـه iiوصـوره ليـن ربـي بيـن الحـق iiوالتالـف ورجعنا عقب معايش الغربة iiالمـره رجعنا على صد العواذيـل iiنتحالـف وانا اليوم لا من العواذل حكوا iiسـره يقولون قول شين iiواقول:ميخالـف! فلا عاد في حبـي iiعواذيل..بالمـره أنا اخذت لي عبره من الموقف السالف & أثر يديني & مشاعر جيااشه .. حان الفراق وتم توديـع iiغاليـن قسوة زمن وظروف ماهي iiرحومه وحاولت ابدل موقف العسر iiباللين وابيـن قدامـه جسـور iiظلومـه واعاتبه وانقد على دمعة iiالعيـن وهذا الفراق اللي تجينا iiعلومـه ومسكت نفسي كن ما صايرٍ iiشين أخشى على خلي يشقـق هدومـه ثم قلت وش تنطر حبيبي لهالحين؟ أثر يديني مـا سكـاتٍ iiكمومـه & عقارب الساعة $ وقف وانا ساعتي وقفت iiعقاربهـا ثم دار ظهره ودارت دنيتـي iiفينـي تنوف روحي وأمـر الله iiقاضبهـا مامت لكن رأيت الموت في iiعينـي يقفي وانا اطالع الخطوات واحسبهـا وعديت لين العـد ماعـاد iiيكفينـي أمج ايدي للترايب مـع iiهضايبهـا أبا اخفض اي شيء يزمي بينه وبيني حدقت لين احتضن رمشي iiحواجبها لين السما حدرت للقاع في iiعينـي وغديت أنا البوصلة للـي iiيراقبهـا والبوصلة ثابتـة فـوق iiاتجاهينـي شمالها والجنوب عيـون iiصاحبهـا واليا اتجه..اتجـه ماشـي iiيثنينـي مشاعر داخلـي أزريـت لا اكتبهـا أكبر من أنه حبيب ويـب iiيخلينـي وأكبر من الحب والحاجة iiوراغبهـا مـا كنـه الا مخلفنـي وناسيـنـي & الهموم الكثيرة & فيها بعض الكلمات الفكاهيه .. كل مزاد همي...شان حالي iiونقصت والهموم الكثيرة تبري حالي iiبـري وكل ماجيت بارقد لو دقيقة iiقحصت كن رقط الحيايا يندسـن iiاظهـري وكل ماقلت طبت ومن عذابي خلصت عود القلب للي فت يرجـع iiقـري آه ياللي لغيره لا حشا ما iiحرصـت مودع وسط كبدي من غيابه iiفـري ومن نهار الموادع بالفرح مارقصت ولا كحلت العيون ولا لبست iiالزري & صوت السهارى & طلال تكفى تراي دخيلتـك iiكافـي لا تطري البعد والتوديع iiوالفرقـا الليل..صوت السهارى حسك الدافي يزيد من لوعتي والضيق iiوالحرقا إن لامس الجرح قولك انسف الحافي وافتح زراير هدومي لضيقـة ترقـا وينلاف قلبي بتال الليـل iiينلافـي ثم تنقلب دمعتـي تنهيـدة iiشرقـا *& مشية العسكري &* تل قلبـي وقاسـه وافحصـه واسطـره ثم قطـه علـى حافـة جليـب iiطويـل المحبـه بعينه..مسـخـره iiبمسـخـره والمحبـه بعيـنـي دبلتـيـن وكلـيـل آتعيـل إلـى منـه عطانـي iiاظـهـره وان نظرنـي غديـت صغيـر مايعـيـل وصار قلبـي مكينـة وقرقعـة iiمنجـره وحس طقاقـة تضـرب ونـاس iiتشيـل هب ياذاك الاسمر..ما اشجعه ما iiاظفـره فيه ضحكة طفـوق وفيـه هرجـة ثقيـل مشية العسكـري قـدام جمـع iiاومـرا في كبود العـذارى منـه حـب iiوغليـل سكبة التاجر اللـي فيـه عـرق iiافقـرا لا تكـبـر ولابــذر ولاهــو بخـيـل شاربه ورمش عينه عينه وحاجبه واشعره ليـلـة خرمسية..لاقـمـر iiولافتـيـل جـاه قلبـي صغيـر يرتجـي iiوانهـره وجاه قلبـي شجـاع ورد يمـي iiذليـل ضلـع وراه بكبـره يدمـره لا iiخـزره كيف اجل يا جماعة ان خز عابر iiسبيل؟ &&& نون العين &&& راائعه ايضاا وبقووه .. ليه سموا صبي العين نون؟!! لن نونك يعيـش iiبنونهـا آه يانون..يانـور iiالعيـون يابعـد نونهـا iiوعيونهـا لك غرام محشم iiومحـزون هو سبب عابـرة وفنونهـا ولك مكانة تعلت iiبالمـزون جملة الناس طاحت iiدونهـا مال الأيام في غيبتك iiلـون إنت نكهـة حياتـي ولونهـا && الأسمر && الاسمر اللي زارني فـي iiمحلـي الله يجيره من جميع iiالصواديـف عيا على قطع المواصيـل iiخلـي يومه درى في علتي زارني iiضيف جلـس يسلينـي بهـرج iiيسلـي صادق لو ان الهرج بدعه وتأليـف إليا ضحك جيته من الضحك كلـي واليا سكت ضاعت جميع السواليف قـال التغلي؟قلـت مامـن iiتغلـي قلت الفراق؟وقال مامـن تكاليـف وقال أبروح وقلت واكبـر iiغلـي وقامت تدق طبول قلبي iiتحاسيـف ليال عمري كلبوهـا غـدن iiلـي عداك..ياليلة رجـوع iiالمواليـف && الله اكبر && لي صاحب هو الطرب iiوالـذاذا زبنته الله عن جميع iiالحواديث ماهمني هـذا ولا اريـد iiهـذا كنه مورثني الملايين iiتوريـث الله واكبـر ميتيـن iiاستعـاده ماكنه الا نازل لي مـن iiالغيـث لا مر..كن القلب يطلب iiانقـاذه كنه برازي والمشاعـر مغاليـث ان جيت ابا ارقد كن بالعين ماذه فرقاه نـار وذكرياتـه محاريـث واصبري اللي مقترب من iiنفاذه باسباب من بيني وبينه iiمواريث && مزاج && سمه دلع سمه غرور iiوعوابه سمه مزاج يعشق اللي iiيناحيه سمه قساوة قلب سمه iiصلابه سمه لعانه..سمه اللـي تسميـه هذي طبوعي والغلا مو iiطلابه يانور عيني غير هالطبع iiمافيه مليت قلب يشتكي من iiعذابـه وتصرفي دايم يذمـه ويشكيـه ودايم على طبعي كثيـر عتابـه درب المذله يامنى النفس مابيه مادام درب العيب ماجيب iiبابه وعهد الوفا ماخنت روعة معانيه && غالي && غالي ولايوجـد مـع النـاس غلـوه عن وصف حبه يقصر الشعر iiوغناي كل يـوم حبـه يرتفـع iiويتعلـوى هذا وهو غايـب ولاهـوب iiويـاي في عينـه اليمنـى مـلاذ iiوملـوى وفي عينه اليسرى قرارات iiمنفـاي ما حاصل لي ان غبت راحة iiوسلوى وان جيت كل الناس من دون رجواي إن غبت بلـوى وان تقربـت بلـوى منشار ياكل بالخشب رايـح iiوجـاي && حرة..قهر && أنا قعـدت وصاحبـي راح iiيمشـي عيت تعاوني على المشـي iiرجلـي تعلقـت دمعـات عينـي iiبرمشـي لانازلـه ولا معـوده راجعـه iiلـي أصحى وأغشى وارجع شوي واغشي واعي من الغشوه على صفقة iiيدي شفت الهلاك وشفت قبري iiونعشي وقمة عذابي لا مشى والتفـت iiلـي حرة قهـر والام تعذيـب iiوحشـي وا..خيبتي بالحلم وا..خيبتـه iiفـي &&والان مع قصائدها الساخره والفكاهيه && ياخبلي الغايب متى ترد للعين متى أشوفك أوتجيني iiرساله صحيح بالدنيا خبول كثيرين لكن خبالك يا حياتي iiلحالـه && سبينش باباي && ياناس..وين اسبنش باباي باعطيه خـل نقـل iiهمـي حتى يصارع جميع iiاعداي واول مايذبح ولد iiعمي..!! && هبيل بلاه الله && أنا لي ثمان سنين متولعـه iiواغليـه وعلى جملة اهل الحقد والعذل iiمحتجه كتبت القصايد كلها يا جماعه كلها فيـه عليه الحشا مثل القراطيـس iiبالعجـه عقب هالعمر يسأل قصايدك من هو فيه؟ ياويل قلبي كان نشدته مـن iiالصجـه أنا ودي أطقه وأخـاف آتوثـم iiفيـه هبيل بـلاه الله فـي بنـت iiمرتجـه && رجيم && دوم يعيرني يقول :انتى iiمتيـن حلجـك المفتـوح لازم نغلـقـه هيه يا دبـه لـزوم iiتخففيـن والا أثور فيك عشرين iiفشقـه وفي رجيمي استمريت iiسنتيـن جدي اللي مات بغيـت iiألحقـه ويش رايك؟..قلتها بصوت حزين قال دبه..وانقلبتي لي iiاسلقـه && العنــــــــز && تطورت العنـز مـع مـن تطـور ولاهوب مقصور التطور على الناس عقب الربيع الزيد والخد iiالأخضر قامت تعلـك بالمدينـه iiبقرطـاس ترضع صخلها من حليب iiمبستـر تخشى رشاقتها مع الوقت iiتنداس باقي قليل ويشرب التيـس iiمنكـر ويروج الهروين راعي iiوعسـاس هذه القصيده رد على قصيدة (( أنا بدوي )) الشاعر:- الاميــــر بدر بن عبدالمحسن .. 7 7 ((رسالة من بدويه )) تعال بشـرح لـك أنـا كـل مغلـوق تعـال شاهـدنـي مــع ذكريـاتـي لا لا يغرك لبس موضـة ومسحـوق انفض غبار الوقـت تلقـي صفاتـي قرب وطالع معّـن الشـوف بحـدوق وزيف التطـور جـرده مـن حياتـي بتشوف في وجهي من الماضي اطروق أخذت من بطـن الصحـاري صفاتـي طفلـة بثـوب مخيطينـه ومفـتـوق تنطـر جديـد الثـوب بالعيـد ياتـي سمعت طرف اخبار عن كلمة السـوق وتاخذ وتسـأل هـو وجـوده ثباتـي طفلـه سحبهـا الوقـت للهم برفـوق حتي انهـا صـارت مـن العاشقاتـي وجار الزمن وعرض الحـب للعـوق شـرق ركايبهـا وهـم مشمـلاتـي واتلا عهدها فيه يركـض ورا نـوق مسرود جيب وفـي يدينـه عصاتـي ويصد لكن يلتفت لـي مـن الشـوق عجـلان يلخصنـي بعيـنٍ تحـاتـي وقفـي وخطواتـه يتـلـن معـلـوق وخلانـي ماتنقـل عظامـي عباتـي ودار الزمان ولا مشي الحـظ بوفـوق ومازلـت أخفـي بالظـلام اعبراتـي ولا زلت أنا العب له علي كل طـاروق حتـي يجيـب الله موعـد وفـاتـي هذه القصيده موجهه لشاعر الكبير الكويتي طـــــــــلا السعيـــــــــد .. عندما احتجت الشاعره الكويتيه:- عابرة سبيل على كلمة .. طلال .. عندما قال انا ..لاجي .. بسبب الغزو العراقي على دولتي الحبيبه الكويت % كلمة طلال % باعلن على كلمة طلال iiاحتجاجـي طلال يكفينـا تجاريـح يـا iiخـي ما انته بلاجي لا ما انتـه بلاجـي تكفى تراها كلمـة تذبـح iiالحـي قل ضيف قل زاير لناس iiهجاجـي وبكره نرد وكن ماصار به iiشـي خلك على ماقيل في برج iiعاجـي لو تحترق كل البشر في داخلي iiفي شفني وشف حالي وقل iiابتهاجـي عقب انقلاب الحال وش صاير iiفي من أول كيفي وحـره iiومزاجـي واليوم ماعندي من اللي مضى شي مديت كفي للعطـا وطـاح iiتاجـي وبعض المبادي دستها تحت iiرجلي &(( لله ابشكي ))& لله ابشكـي (حيـرتـي ) لله رب العالمـيـن وامد له كفـي (دعـا) يالله عفـوك iiياجليـل يامنتهى (الشكوى) إله العابديـن iiالصابريـن يالله (عونك0فزعتك) همي على قلبـي iiثقيـل جتني (رساله) نصّها ياعابره (حزن iiوانيـن) مع(تجربه)مضمونها فيه النتايـج iiوالحصيـل في شكلها الظاهر (غطا) وفالباطن المعنى الدفين وفي (حبرها) تلميح لايمكن يصير iiالمستحيـل وانا حقيقه ماعرفـت شلـون ببـدى ياحنيـن مدري ابديّ كلمتي أو الزم الصمت iiالفضيـل لا جيت ابتكلم لقيت الوضـع قاسـي iiمايليـن وان جيت ابسكت مالقيت علاج للقلب iiالعليـل لاكنّ (عزايه) مامعي سلطه ولاعندي iiضميـن ولااقدر اميّل ماعدل ولاقـدر اعـدّل iiمايميـل ماعندي الاّ (كلمة ٍ) فيها العـوارف iiخابريـن القاع لاصارت دهـر (يابدو)يازيـن iiالرحيـل وخلافها (سلامتج) والله علـى الدنيـا يعيـن والصبر عنوانه(فرج) والغيث لابـده iiيسيـل ويامنتهى الشكوى إلـه الصابريـن العابديـن لاحارت افكاري ترى مالي سواك انت iiالدليـل &&واخيراا مع القصيده الحزينه &&.. اخر قصايد عابره سبيل ترثى نفسها بقصيدة مؤلمه ومحزنه جداا كتبتها بخط يدها اثناء مرضها تخاطب فيها زوجها وابو عيالها وهو كل ماتخرج من المستشفى يذبح لها ذبيحه قائلة : تـرى الذبايـح واهلهـا ماتسلينـى وانا ادرى ان المرض لا يمكن علاجه ادرى تبى راحتـى لا يابعـد عينـى حرام ما قصرت ايـدك فـى حاجـه اخـذ وصاتـى وامانـه لا تبكينـى لو كان لك خاطر مـاودى ازعاجـه اابيك فى يديك تشهدنـى وتسقينـى وامانتك لا تجى جسمى فـى ثلاجـه لف الكفن فى ايديك وضف رجلينـى ماغيرك احد كشف حسناه واحراجـه ابيـك بالخيـر تذكرنـى وتطرينـى اجيرنى خالقـى مـن نـار وهاجـه سامع على ماجـرى بينـك وبينـى ايام امسـى عـدل وايـام منعاجـه عيالى همى وانا اللى فينـى يكفينـى علمهـم الديـن تفسيـره ومنهاجـه وهـــــــــــــاذي قصيدة رثاء زوجــــــهـــــــا : حاولت انام وحاربت عينـي النـوم وجريت صوت مثل صوت الذيابـه الجفن كنه صار ضايـق ومهـزوم ودموع عيني مثـل رش السحابـه على وليـف قالـو اليـوم مرحـوم فـارق وراح وماتهـنـا بشبـابـه زرت القبور اللي على بعضها رسوم وخطيت رسم فوق ذيـك النصابـه قلبـي مـن الدنياعليـه مـرسـوم والرسم تـوه عقـب خـط الكتابـه احبها مير القـدر صـار مقسـوم ويحبهـا كـل الاهـل والقـرابـه الموت اخذها واودع القلـب مكلـوم جـرح عميـق مايـداوي صوابـه الموت اخذ شجعان وارخوم واقروم واخذ رسول الله وباقـي الصحابـه إنسانه عشق كلماتهـا الصغار قبل الكبار لامست جروح الكل وداوتهــا .. تفردت عن البقيه من الشعار بسلاسة كلماتهـا وعذوبتهــا التي دخلت كل القلوب .. رحمكِ الله ياعابرة سبيل فأنتي عبرتي في قلوبنا وأسرتيهـا وجعلتينا نعيش ببن طيات أحرفك ونقضي بقرائتهـا أحلى الاوقات ،، الله يرحمها ،، ويغمد روحها الجنه ,, قولوا آمين ،، ادري ازعجتكم بتعليقي على قصائدها رائعه وجميله .. بس بالعربي قصائدها كلها رائعه ومعجب بشعرهاا النسائي حتى الثماله .. بقي شئ اخير وهو من هي الشااعره عابرة سبيل رحمها الله : بقيت الشاعره عابرة سبيل مجهوله باسمهاا والكل يعرفها بعابرة سبيل حتى اهلها وزوجها لم يعرفوا انها شاعره وانها عابرة سبيل الا قبل وفااتهااا حين صارحت اهلها . وكانت تنشر قصائدها بالمختلف .. بطااقه شخصيه لعابرة سبيل : الاسم : وسميهّ الهوّاش العازمي ( أم فهد ) لها على ماأظن خمس أولاد .. الجنسيه : كويتيه .. عمرها حين وفاتها : 43 سنه .. سبب وفاتها : مرض السرطان الله يكفينا شره .. توفيت قبل 4 سنوات .. لها بيت لم ينشر : في ليل الشتاء جلست بلحالي = ماغير انا والالبوم والدوّه . انطر يتصل بي واحد ٍ غالي = واقول ماقوم غير يقول لي قوّه .. رحمها الله رحمة واسعه وأسكنها فسيح جناته .. اسمحوا لي على الاطاله .. وللأمنه منقووووووول تحيااااااتي |
اخوي الغالي سلطان الوفاء رحمة الله عليها وقصائدها جميله فعلا وتستحق الاشادة واشكرك اخوك مشبب الدوسري |
يعطيك الف عافيه والله يرحمها ويتغمدها بواسع رحمته
|
اقتباس:
يامرحبا اخوي مشبب والف شكر لك على مرورك الطيب دمت بالف خير |
مجهود تشكر علية
ويعطيك الف عافية |
اخوي سلطان الوفاء..........انت ابكيتني على موتها وعلى قصائدها وعلى كوني لم اتعرف عليها قبل
عابرة سبيل كنت اسمع بها ولم يصادف ان قرأت لها سوى اشياء بسيطه مثل رثائها لزوجها شاكره لك لانك جعلتني اتعمق وادخل في تفاصيل هذه الشاعره العذبه الرقيقه لا ابالغ اذا قلت اعجبني كل ماذكرت لها من قصائد وسوفى احرص على اقتناء ديوانها الاوحد فعلا هي تلامس المشاعر وتتحدث بلسان الانثى في كل زمان ومكان اتمنى ان لا يهمل الاعلام شاعرات لهم قامه شامخه كم اهمل عابرة سبيل ولو في التعريف بها بشكل اوسع سررة بالمرور على مشاركتك واعترف اني جدا سعيده بقرائتي ما نقلت في انتظار المزيد منك ولي طلب منك اخوي سلطان الوفاء بان تكون مشاركتك القادمه لشاعره اخرى في الخليج اذا امكن ... تقبل تحياتي |
الله يرحمها رحمه واسعه................والله يعطيك العافيه اللي عطيتنا نبذه عنها....فعلا شاعره متمكنه...رحمها الله....ورحم جميع موتا المسلمين....اللهم امين
وتسلم مره اخرى......وتقبل مرووري |
اقتباس:
يعافيك ربي...هلا والف غلا ياريما يعطيك الف عافيه على مرروك الطيب دمتي بخير |
اقتباس:
حياك دهم السحايب دمت بخير |
اقتباس:
انا سعيد ايضاً بمرورك الجميل يا درر دمتي ودام تواصلك |
الساعة الآن 12:21AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية