|
عديت انا المرقاب
عديت انا المرقاب راس المنيفي
اخيل مزنن سايقاته نشانيش حييت يابرقٍ غداله رفيفي رفيف حرٍ اربشوه المداغيش تسمع دوي ارعود تقصف قصيفي ملفاه من المنشا بروقه مراهيش سيل به الشعبان وبله هريفي ريف الغنم مع مبعدات المطاريش عساه يسقي دار غروٍ عفيفي الجادل الرعبوب ضافي العكاريش غروٍ صفالي بالموده شريفي عذب اللما ناصع العرض مانيش عليه دمع العين يذرف ذريفي والجسم كنه ينهشنه نواهيش العنق عنق الريم وصفه لطيفي واللي زها الكفين نقش النقاريش عن الدنس والعيب ثوبه نظيفي حتيش انا معذبٍ فيه حتيش لو صفت الخفرات ماله وصيفي ما القى مثيل الترف لو صار تفتيش عسى وطنها دايم الدوم ريفي ويسقيه من وبل الثريا رشاريش |
عذب اللما ناصع العرض مانيش عليه دمع العين يذرف ذريفي والجسم كنه ينهشنه نواهيش العنق عنق الريم وصفه لطيفي واللي زها الكفين نقش النقاريش عن الدنس والعيب ثوبه نظيفي حتيش انا معذبٍ فيه حتيش لو صفت الخفرات ماله وصيفي ما القى مثيل الترف لو صار تفتيش عسى وطنها دايم الدوم ريفي ويسقيه من وبل الثريا رشاريش الله الله عليك راعي العليا صح لسانك وسلم بنانك نعم هكذا هوا الحب العفيف وهذا هو الشعر المنيف فلا اسهاب ولا اطناب اخوك عبدالعزيز الشلوه |
راعي العليا
صح لسانك و لاهنت ابد عذبة من شاعر في مستواك الرائع دمت خير ريف النشاما |
الغالي
الشاعر راعي العليا اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الاجمل من جميلةوالاروع من رائعة وصح لسانك وعلا شانك مليون ولا يكفون تقبل تحياتي |
المحيط
صح لسانك غزلية رائعة بها الكثير من المثاليات .. |
اقتباس:
صح بدنك لا هنت ومرورك اسعدني واشادتك شهادة اعتز بها دمت بود0 |
اقتباس:
صح بدنك واسم على مسمى الله يسعدك ويزيدك من فضله دمت كما تحب0 |
اقتباس:
ان الجمال يكمن في تواجدك الذي تشرفت به واسعدني كثيرا لا تحرمنا من طلتك البهية دمت كما تحب0 |
اقتباس:
صح بدنك واشكرك على مرورك الذي انار هذه الصفحة دمت كما تحب0 |
الغالي راعي العليا صح لسانك وعلا شانك ابيات راقتلي بالحيل لاهنت ربي يحفظك
|
| الساعة الآن 09:30AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية