أنا وش سويت ؟ هزيت راسي ومشيت ؟
السلام عليكم ورحمة الله وبركاته*
* استوقفني ذلك .. الفتى الصغير .. الذي استلم جدار المسجد .. ليسجل عليه ابداعاته الرائعة ابداعات تدل .. على تربيته الغير سويه ليته كتب كلاما لائقا .. لكنه كتب ياليت مافي البلد عسكر .. ( ولا مباحث جنائية ) .. .. * أنا وش سويت .. ؟ هزيت راسي ومشيت .. ؟ * ..* * دخلت لأحد مقاهي الأنترنت .. جلست على أحد الأجهزة كان بجانبي .. شاب صغير لم يبلغ الخامسة عشر من عمره .. ولا يوجد معه شخص كبير من أهله ،،كان يدخل على مواقع عده لم أعره انتباهي ولكن وبمحض الصدفة .. إلتفت اليه فإذا به مبحر في ( الصفحات الإباحية ) .. * أنا وش سويت .. ؟ هزيت راسي ومشيت .. ؟ * .. * * أذن المؤذن .. لصلاة المغرب .. خرجت للذهاب الى المسجد.. وفي الطريق اذا بسيارة كامري موديل 2007 يستقلها اربعة شباب في عمر الزهور المؤذن يقول : ((حي على الصلاة )) ... وسيارة الشباب بأعلى صوت المسجل : ((صدفة ومن بين 0000 .... )) .. * أنا وش سويت .. ؟ هزيت راسي ومشيت .. ؟ * .. * * وقفت عند احد الاشارات.. كان هناك رجل من الجنسية الاسيوية .. يوزع ورقة اعلانات على السيارات أعطاني ورقة وذهب للذين خلفي ناظرت له بالمرايه فإذا بهم يأخذون عليه الأوراق بقوة لدرجة انهم مدوا ايديهم عليه ثم رموها في وجهه وتناثرت وملأت الأرض وهم ( يقهقهون فرحين بما عملوا ).. .. * أنا وش سويت .. ؟ هزيت راسي ومشيت .. ؟ * .. * * دخلت احد المطاعم للإفطار .. فيه الساعة التاسعة والنصف صباحا .. دخل ثلاثة شباب في المرحلة المتوسطة وجناطهم المدرسية معاهم طلبوا فطورهم (وكل واحد طلع الدينار اللي عطاه ابوه مصروف المدرسه) بعد الفطور أخرج احدهم باكيت الدخان .. واهدى اصدقاءه سيجارة لكل واحد .. ( أشعلوها ودخنوا )..!! .. * أنا وش سويت .. ؟ هزيت راسي ومشيت .. ؟ * .. * * رن موبايلي !!! فاذا به رقم غريب !!! رددت عليه فاذا به صوت امرأه سألت: موبايل سعود؟؟ فقلت:لا .. اغلقت وبعد قليل إذا بنفس الرقم مرسل رسالة حب دقائق اذا به يرن ونفس السالفة .. ((ثلاث مرات متتالية )) واخر مرة تقول لي (( ..افهمها يا غبي.. )) .. * أنا وش سويت .. ؟ هزيت راسي ومشيت .. ؟ * .. * * رجل مسن .. كبير بالعمر .. وابنه معه في السوق .. عمره في السابعة عشر او الثامنة عشر.. اشتروا اغراضهم الضرورية وعند الخروج يخرج الشاب وهو يكلم بجواله ووالده يحمل الأكياس المليئة بالأغراض وهو ( يسير أمام والده ) .. * أنا وش سويت .. ؟ هزيت راسي ومشيت .. ؟ * .. * * وتذكرت قول الشاعر .. جيت .. ابعدل مايل الناس وأزريت .. أزريت .. أعدّل مايلٍ .. في ضميري هذا هو الموضوع أحبتي في الله ,,, تعتقدون لو مررتم عليه .! هل تقرأه ...ثم تهز رأسك وتمشي ؟؟؟؟؟؟؟؟؟؟ أم تعلق وتبدي رأيك ....؟؟؟؟؟؟؟؟؟؟ في إعتقادي كل من يمر على الموضوع ولم يرد.. فقد عمل مثل أخونا في الله >> +[ أنا وش سويت ،، هزيت رأسي ومشيت ]+ لو مررتم بنفس التجربة والحدث ماذا أنتم فاعلوووون ....؟؟؟؟؟؟؟ .. * أنا وش سويت .. ؟ هزيت راسي ومشيت .. ؟ * .. أم تكون آمر بالمعروف ناهي عن المنكر عملا بقوله صلى الله عليه وسلم : (( من رأى منكم منكرا فليغيره بلسانه،، فإن لم يستطع فبيده،، فإن لم يستطع فبقلبه وذلك أضعف الإيمان ... )). لأن الساكت عن المنكر كفاعله .. جعلنا الله وإياكم من الآمرين بالمعروف الناهين عن المنكر .. |
صمتي جرحني
ومن وجهة نظري ان لايقف الا من كان كفو للوقوف والنصح اما من كان اسواء منهم حال الافضل له ان يهز راسه ويمشي يعطيك العافيه على هذا الموضوع الاكثر من رائع وتفضل بقبول خالص تحياتي |
صمــتي جــرحني اولاً اهنيك علي موضوعك الــرائع وهذا ليس بغريب عليك لأنــك تبــدع بكل ما تكتبــه
ثانيــاً/ أنـــا هزيـــت رأســـي بس ما مشيــت وانا أتــفق مع اخــوي بــدر في قوله اذا كان كفو للوقوف والنصح وبرضو اختلف معاه بالنقطه اللي يقوول فيها اما من كان اسواء من ذلك فله ان يهز راسه ويمشي وانا اقوول هز راسك ولا تمشــي بــل انصــح حتى لو كنت اسوا منهم يمكن النصيحه تفيــد فيــهم لأنك قد جربت ما فعلووه وندمت علي مافعلته.. تحيـــــــاتي لـــكم |
صمتي الله يعطيك العافيه يارب موضوع يوضح نقاط مهمه يوضح بان هناك اخطاء يرتكبها البعض وننشغل عنهم ولا نبالي وخاصه من الصغار بسن وعلينا الانتباه لهم دون التردد بمايفعلونه بطريقه الجيده والحكمه لعدم تنفير مثل هذا والعصبيه لكي لا يرتكب اكبر مما قام به وعلينا توجيهه عن مثل هذي الاعمال بارك الله فيك اخوي وغفر الله لوالديك واللهم احمي شباب المسلمين يارب مشكور |
الاخ بدر تسلم لمرورك وردك
فعلا صدقت اللي مو قدها لا يسويها مشكووووووووور نووورت الموضوع |
الاخ بدوري تسلم لمرورك وردك
وانا اهني نفسي بوجودك في متصفحي واخجلتني بكلامك مشكووووووووور نووورت الموضوع |
الاخ خاطر تسلم لمرورك وردك
وبارك الله فيك لردك الرائع مشكووووووووور نووورت الموضوع |
جزاك الله خير خوي صمتي جرحني واثابك ووفقك لكل خير
الامر بالمعروف والنهي عن المنكر فريضة على كل مسلم اختصنا الله بها نحن امة محمد (كنتم خير امة اخرجت للناس تأمرون بالمعروف وتنهون عن المنكر ) الامر بالمعروف والنهي عن المنكر مطلوب من كل مسلم حتى لو كان مقصرا في بعض اموره الدينيه ولكن ان الامر يختلف بحسب اجتهاد كل مسلم وبحسب تقبل الشخص الذي امامه |
.
الله يعين الزمان تغيّر فكم من شيء كان غريب في اوساطنا واليوم نراه عادي جداً كفانا الله شر هذا الزمان لاهنت صمتي |
صمتي جرحني يعطيك الف عافيه على الموضوع
انا وش سويت والله قرائته اكثر كن مره وتاملت فيه لكن وش سويت؟ حطيت توقيعي ومشيت تحياتي |
الساعة الآن 01:08PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية