ماغيرتني غربتـي زود انـا اغليـك=وفيني ملامـح ضاربـه فالبـداوه
لوطالت الغيبـه فلانيـب ناسيـك=لنـك بقلبـي تستحـق العـلاوه
جيتك شعوري يسبق خطاي ناصيك=من عقب مر البعد نبغـى الحـلاوه
جيتك وقلبي صادق الود هاويـك=جيتك وكلـي عنفـوان وشقـاوه
الناس واجد لكن القلـب يبغيـك=والقلـب دقاتـه تزيـد بضـراوه
بعد البطى جيتك وكلي امل فيـك=انـك تلاقينـي بشـوق وحفـاوه
ياللاسف وش جاك بدلت ماضيـك=ماشفتنـا غيـر الجفـا والقسـاوه
وين العهد والصدق وحلوفنا ذيـك=يوم القلوب صحاح طهر ونقـاوه
وين العطا يازين واحلـى لياليـك=وكلامك المعسـول كلـه طـراوه
وشلون تنسا يوم تزعل واراضيـك=وابيع كل الناس لاجلـك رضـاوه
صار الجفا طبعك وغيـر مباديـك=وعلاقتي ويـاك صـارت عـداوه
حبك صناعي وانتهى دون تشكيك=ومحيت باقـي حبكـم والغشـاوه
معقول انا احبك وبالعفو اجازيـك=مجنون انـا والا براسـي فضـاوه
واسمع كلامي قبل ترحل بحاكيـك=ابيك تسمع كلمتـي فـي هـداوه
روح فمان الله وابعـد مساريـك=ماعاد لك بالقلب قـدر وغـلاوه

الغالي
الشاعر
فيصل بن جزاء

صح الله لسانك وجزله معانيك=يامرحبا ترحيب قدر وحفاوه