|
مجاراتي للأمير الراحل ( محمد الأحمد السديري )
بسم الله الرحمن الرحيم السلام عليكم ورحمة الله وبركاته هذه قصيدة الشاعر الأمير (محمد الأحمد السديري) رحمه الله وهي قصيده لا تحتاج الى تعريف وهي اشهر من نار علم وهي بعنوان ( يقول من عدى )...وهي قصيده أحبها والدي أطال الله بعمره ودائما يرردها وهي قصيده تحتوي على معاني جميله ، وهي قصيده طويله وفيها أبيات مشهوره يقول فيها :
لاخـاب ظـنـي بـالـرفـيـق الـموالـي=مـالـي مـشـاريـهٍ على بـاقي النـاس
ويقول فـيـها:
لـعـل قـصـر(ن) مـا يـجي بـه ظـلالي=يـنـهـد مـن عـالي مـبـانـيه لـلسـاس
وعـاد أنا جاريت أبوزيد الله يرحمه وقلت :
قال السديري من بيـوت(ن) جزالـي=يطرب لها اللي من عنا الوقت محتاس عز الله أن اللـي طـرا لـه طرالـي=في مرقبه يومه بعيد(ن) عن النـاس دنيـا غريبـه جوهـا مـا صفالـي=تقلبك مـا بيـن طـاري وهوجـاس يزيـد همـك طـول ذيـك الليالـي=ليل(ن) طويل(ن) كاتم(ن) كل الأنفاس ياما طمان(ن) بعـد رقـي العوالـي=يصيب رجل(ن) فالملا عالي الـراس من بعد ماهـو مرجـع(ن) للرجالـي=يصير رجل(ن) عيشته ضيم وأتعاس يصليه صالي من عظيـم الصوالـي=ويدك به وقتـه كمـا دكـت الفـاس من أول(ن) يرقى الرجـوم الطوالـي=واليوم أصبح في عنا الوقت غطـاس يامـا ردي(ن) فالـردا كـان والـي=يطيـر فالدنيـا كمـا طيـر قرنـاس من أسفـل الدنيـا لـروس الجبالـي=يلقى نصيبه مـن جواهـر وألمـاس من بعد ماهو فالـردا صـار غالـي=مسكنه قصر(ن) دونه اليوم حـراس حتى جداره مـا يجـي بـه ظلالـي=راح السديري والردي رسخ السـاس دنيـا دنيّـه طبعهـا مــا تبـالـي=تسقيك من مر الغرابيـل فـي كـاس أحـوال ذا الدنيـا تفـوق الخيالـي=لاشفت حال الغيـر بتقـول لابـاس وأنا على الدنيـا صبـور(ن) لحالـي=أصمل بوسط الهم وأسبح بوسـواس وأرجـح الميـزان حسـب احتمالـي=وأجعل دروب الطيب غايه ونومـاس وأحرص على ممشى كريم السبالـي=وأبعد عن اللي دربهم درب الأنجـاس ترا الخوي اللي مـن العقـل خالـي=يعيّبك في وسـط مجلـس وجـلاس يفضحك فـي فعلـه ردي الخصالـي=هذا الخوي اللـي بالأقـدام ينـداس ولا الخـوي اللـي بفعلـه هنـالـي=راعي الوفا والطيب جلاي الأعمـاس هذا الخوي اللـي كمـا راس مالـي=أقـدره وأغليـه مـن دون مقيـاس وأطلب من المولى عظيـم الجلالـي=يـارب يالله تجلـي الهـم والبـاس وأشب رمث(ن) وسط ذيـك المفالـي=مع بن(ن) أشقر يجلي النوم وانعاس والهيـل والمسمـار وسـط الدلالـي=والزعفـران اللـي بالـدلال ينقـاس لاشـك كيفـي والمكـان استوالـي=من دون ناس مفارق(ن) زحمة الناس وأشرب مـن الدلـه ويرتـاح بالـي=وأنضم بيوت الشعر وأكتب بقرطـاس ترا السديـري قـدوة(ن) لا تزالـي=تطري بيوتـه كـل ماهـب نسنـاس أطلب مـن الله يجعـل المـر حالـي=يالله يلـي تجلـي الهـم والـيـاس يالله يامنـشـي عظـيـم الجبـالـي=يلي خلقت من العـدَم عـدة أجنـاس ترفـق بمنهـو همـه اليـوم طالـي=يارازق(ن) عبدك ألا جـاه الإفـلاس وسلامة الجميع والعذر والسموحه على القصور.. وتقبلوا تحياتي،، |
حتى جداره مـا يجـي بـه ظلالـي راح السديري والردي رسخ السـاس دنيـا دنيّـه طبعهـا مــا تبـالـي تسقيك من مر الغرابيـل فـي كـاس أحـوال ذا الدنيـا تفـوق الخيالـي لاشفت حال الغيـر بتقـول لابـاس وأنا على الدنيـا صبـور(ن) لحالـي أصمل بوسط الهم وأسبح بوسـواس وأرجـح الميـزان حسـب احتمالـي وأجعل دروب الطيب غايه ونومـاس وأحرص على ممشى كريم السبالـي وأبعد عن اللي دربهم درب الأنجـاس ترا الخوي اللي مـن العقـل خالـي يعيّبك في وسـط مجلـس وجـلاس يفضحك فـي فعلـه ردي الخصالـي هذا الخـوي اللـي بالأقـدام ينـداس ولا الخـوي اللـي بفعلـه هنـالـي راعي الوفا والطيب جلاي الأعمـاس هذا الخوي اللـي كمـا راس مالـي أقـدره وأغليـه مـن دون مقيـاس وأطلب من المولى عظيـم الجلالـي يـارب يالله تجلـي الهـم والبـاس وأشب رمث(ن) وسط ذيـك المفالـي مع بن(ن) أشقر يجلي النوم وانعاس والهيـل والمسمـار وسـط الدلالـي والزعفـران اللـي بالـدلال ينقـاس لاشـك كيفـي والمكـان استـوالـي من دون ناس مفارق(ن) زحمة الناس وأشرب مـن الدلـه ويرتـاح بالـي وأنضم بيوت الشعر وأكتب بقرطـاس تـرا السديـري قـدوة(ن) لا تزالـي تطري بيوتـه كـل ماهـب نسنـاس رحم الله الاميرمحمدالسديري واسكنه فسيح جناته صح احساسك ولسانك ياهلافيك معنا يابدر ابدعت مجارة جدا رائعه ماننحرمن جديدك كل الشكروالتقدير لشخصك الكريم دمت بكل خيرومحبه |
ترا السديـري قـدوة(ن) لا تزالـي=تطري بيوتـه كـل ماهـب نسنـاس
صدقت اخي بدر حياك ربي ومجارتك لقصيدة الامير محمد الاحمد السديري فخر واجدت المجارات يا اخ بدر وعافك الله ورحم الله الامير محمد رحمة واسعه بيض الله وجهك ووفقك للخير يالغالي تحياتي لك |
اقتباس:
أختي الغاليه ( شموخ نجد ) الله يجزاتس خير يالغاليه.. صح الله بدنتس.. وأبشري بكل جديد.. مشكووره ولاهنتي على المرور الرائع والتعليق الأروع.. تقبلي تحياتي،، |
اقتباس:
أخوي الغالي ( سفير المعاني ) الله يحييك ويبقيك.. وجهك أبيض إن شاء الله.. الله يوفق الجميع .. مشكور ولاهنت على المرور الكريم والتعلق الطيب.. تقبل تحياتي،، |
بدر بن صقر
صح الله لسانك واحساسك ولا هنت قصيدة جزله ورد جزل .. انا اقول ان هالبيت ديوان شعر لحاله يقول من عدى على راس علي فمابالك بالقصيدة كامله .. اسعدني مرورك وتواجدي بمتصفحك وقرأءة القصيدة الجزله تقبل مروري وتحياتي |
بدر العجالين
صح لسانك ويستاهل السديري أكثر ننتظر منك الجديد الرائع كروعتك لك مني التحية والتقدير والاحترام |
صح لسانك واحساسك جاريت وابدعت بدر ياهلافيك معنا مع هذه الكوكبه الرائعه من الشعراء منور اخوي ورحم الله ابو زيد ورحم موتى المسلمين في بقاع الأرض اللهم امين تحياتي لك رهب |
اقتباس:
أخوي الغالي ( يفوق الوصف ) صح الله بدنك والله يسلمك يالغالي.. وابوزيد مهوب محتاج شهادة أحد الله يرحمه.. مشكوور ولاهنت على مرورك الكريم.. وتقبل تحياتي،، |
اقتباس:
أخوي الغالي ( المستشار العاطفي ) صح الله بدنك وماعليك زوود.. تستاهل الطيب يالغالي.. مشكوور ولاهنت على المرور الروعه.. وتقبل تحياتي،، |
| الساعة الآن 06:30PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية